Geraldine McCaughrean

Na Galipedia, a Wikipedia en galego.
Geraldine McCaughrean
Nacemento 6 de xuño de 1951
Lugar Londres
Nacionalidade Reino Unido
Alma máter Canterbury Christ Church University
Ocupación escritor, novelista, Autor e escritor de literatura infantil
Premios Carnegie Medal, Guardian Children's Fiction Prize e Michael L. Printz Award
editar datos en Wikidata ]

Geraldine McCaughrean (pronunciado "Mc-cork-ran"), nacida o 6 de xuño de 1951 no norte de Londres, é unha novelista británica, que ten destacado principalmente na escritura de libros para públicos novos.

Traxectoria[editar | editar a fonte]

Licenciada en Educación, traballou durante dez anos na publicación dunha revista antes de converterse en escritora profesional. Na actualidade vive en Berkshire co seu home e a súa filla.

Escribiu máis de 130 libros, 50 obriñas de teatro para escolas e tamén un guión de radio. Tamén ten escrito seis novelas históricas dirixidas a público adulto, como Fires’ Astonishment (1990) e The Ideal Wife (1997). Entre as súas principais novelas para rapaces de todas as idades e en todos os formatos, atópanse A Little Lower than the Angels (1987), Gold Dust (1993) e Not the End of the World (2004).

Ademais ten reescrito varias historias tradicionais, contos de fadas e episodios bíblicos. Entre elas débense mencionar as súas versións dos Contos de Canterbury (1984), da Odisea (1993), de Moby Dick (1996) ou do Cid (1989).

A súa obra foi traducida a 35 idiomas, entre eles o galego.

En 2005, escolleuna o Hospital Great Ormond Street, o propietario dos dereitos do personaxe de Peter Pan para escribir a segunda parte oficial da novela de J.M. Barrie, que se chamou orixinalmente Peter Pan in Scarlet. A súa tradución galega, publicada simultaneamente en todo o mundo, foi traducida por Silvia Carril co título de Peter Pan e a levita escarlata.

Premios[editar | editar a fonte]

É a única persoa que gañou o Withbread de literatura infantil en tres ocasións.

Véxase tamén[editar | editar a fonte]

Ligazóns externas[editar | editar a fonte]