George Combe

Na Galipedia, a Wikipedia en galego.
Saltar ata a navegación Saltar á procura
George Combe
George Combe01.jpg
Nacemento21 de outubro de 1788
 Edimburgo
Falecemento14 de agosto de 1858
 Farnham
SoterradoCemitério de Dean
NacionalidadeReino Unido de Gran Bretaña e Irlanda e Reino de Gran Bretaña
Alma máterUniversidade de Edimburgo
Ocupaciónautor, escritor, avogado e phrenologist
editar datos en Wikidata ]
Imaxe de George Combe.

George Combe, nado o 21 de outubro de 1788 en Edimburgo e finado o 14 de agosto de 1858, irmán de Andrew Combe, foi un escritor especialista en frenoloxía e educación. Naceu en Edimburgo, cidade na que exerceu a avogacía durante un tempo. Máis tarde, dedicouse á promoción da frenoloxía e ás súas opinións sobre pedagoxía, o que o levou a fundar unha escola no ano 1848. O seu principal traballo foi o libro The Constitution of Man (A constitución do home) (1828).

Logo de finalizar os seus estudos na escola superior de Edimburgo e na súa universidade, Combe dedicouse a traballar cun bufete de avogados en 1804, aínda que en 1812 estableceuse pola súa propia conta. En 1815 a revista Edinburgh Rewiew expuxo un artigo sobre cranioloxía de Franz Joseph Gall e K. Spurzheim que foi denunciado como «unha peza de profunda charlatanaría de principio a fin». Combe, como outros, burlouse do que segundo el era absurdo nese artigo sobre unha nova teoría do cerebro e pensou que esa teoría tiña que acabar finalmente botada por terra. Cando Spurzheim deu unha conferencia en Edimburgo con vistas a defender a súa teoría, Combe considerou que ese asunto xa non merecía máis a súa atención.

Foi convidado á casa dun amigo onde viu a Spurzheim disecar un cerebro, ficando impresionado coa demostración. Investigando o tema pola súa conta, chegou á conclusión de que os principios fundamentais da frenoloxía eran certos: "O cerebro é o órgano do pensamento. O cerebro está composto de varias partes, cada unha delas acolle unha facultade mental distinta; e o tamaño do cerebro é un expoñente do poder do seu funcionamento."

En 1817 publicouse o seu primeiro ensaio sobre frenoloxía na revista Scots Magazine, aparecendo logo unha serie de escritos sobre o mesmo tema na Literary and Statistical Magazine. Todo isto foi recompilado e posteriormente publicado en 1819 no libro Essays on Phrenology (Ensaios sobre frenoloxía), aínda que en posteriores edicións cambiou o seu nome por A System of Phrenology (Un sistema frenolóxico). En 1820 axudou a fundar a sociedade frenolóxica, a cal en 1823 empezou a editar unha publicación especializada.

Os seus libros e escritos atraeron a atención do público europeo e estadounidenses. Ao fío destes, Combe mantivo un longo debate con William Hamilton entre 1827 e 1828 que foi de grande interese público.

A súa obra máis popular, The constitution of Man (A constitución do home) foi publicada en 1828, levantando nalgúns sectores protestas por materialista e atea. Nese tempo, o seu único punto de vista baseábase nos ditames da frenoloxía. Dedicou o seu tempo, traballo e diñeiro tamén para axudar ás clases baixas a dispoñer dunha educación de calidade, establecendo incluso a primeira escola infantil en Edimburgo e iniciou lecturas nocturnas para adultos sobre química, historia, fisioloxía e sobre todo filosofía. Tamén estudou casos criminais e intentou solucionar os problemas en canto a reforma e castigo dos culpables.

En 1836 ofreceuse para ser candidato á cátedra de Lóxica da universidade de Edimburgo, aínda que lle foi denegada en favor de William Hamilton. En 1838 visitou Estados Unidos, onde impartiu clases sobre criminais. Á súa volta en 1840, publicou Filosofía Moral e seguiu publicando posteriormente os seus apuntes nos Estados Unidos.

A culminación dos seus pensamentos e experiencias relixiosas na súa vida reuniunas na súa obra On the Relation between Science and Religion (Sobre a relación entre ciencia e relixión), publicada en 1857. Encargáronlle revisar a novena edición de The Constitution of Man cando morreu, en Moor Park, Farmham.

En 1842 redactou en alemán un conxunto de vinte e dous escritos sobre frenoloxía na universidade Ruprecht Karl de Heidelberg. Tamén viaxou moito por toda Europa, ensinando en escolas, prisións e asilos a súa teoría. A crise comercial de 1855 orixinou o seu notable folleto The Currency Question (A cuestión monetaria) en 1858.

Casou en 1833 con Cecilia Siddons, a filla da actriz Sarah Siddons.

Véxase tamén[editar | editar a fonte]

Bibliografía[editar | editar a fonte]

  • Cousin, John William (1910). A Short Biographical Dictionary of English Literature. Londres, J.M. Dent & fillos; Nova York, E.P. Dutton.

Ligazóns externas[editar | editar a fonte]