George Brown Goode

George Brown Goode
Nacemento	13 de febreiro de 1851
Lugar de nacemento	Indiana
Falecemento	6 de setembro de 1896
Lugar de falecemento	Washington, D.C.
Causa	pneumonía
Soterrado	Cemitério Oak Hill
Nacionalidade	Estados Unidos de América
Alma máter	Universidade Harvard e Universidade Wesleyana
Ocupación	ictiólogo e zoólogo
Pai	Francis Collier Goode
Cónxuxe	Sarah Ford Judd
Na rede
[ editar datos en Wikidata ]

George Brown Goode, nado en New Albany, Indiana, (Estados Unidos de América) o 13 de febreiro de 1851, e finado en Washington o 6 de setembro de 1896, foi un ictiólogo estadounidense, que pasou a maior parte da súa vida no Museo de Historia Natural do Instituto Smithsoniano.

Ademais, estivo interesado no estudo da historia da ciencia e, en particular, do desenvolvemento da ciencia nos Estados Unidos.

Traxectoria

Comezou os seus estudos na Universidade Wesleyana, en Middeltown (Connecticut), antes de pasar un ano na Universidade de Harvard, onde asistiu a cursos inclíndo os que ditaba Louis Agassiz (1807-1873). Dirixiu o Orange Judd Museum of Natural History desde 1871 até 1877.

Comezou a traballar en 1872 con Spencer Fullerton Baird (1823-1887). Paralelamente ás súas investigacións con Baird, tamén ttraballou desde 1874 no Servizo de Pesca e Vida Silvestre dos Estados Unidos.

A partir de 1887 dirixiu a reorganización científica e a catalogación das coleccións do Museo Nacional de Historia Natural do Instituto Smithsoniano. Tamén organizou numerosas exposicións no Instituto Smithsoniano, entre elas as de Filadelfia en 1876 e a de Chicago en 1893. Pasou a maior parte da súa carreira como director do Museo do Smitsoniano. Alí publicou varios traballos co seu colega Tarleton Hoffman Bean.

Ademais, estivo interesado no estudo da historia da ciencia e, sobre todo, no desenvolvemento da ciencia nos Estados Unidos.

Obras principais

• Catalog of the Fishes of the Bermudas, 1876.
• The Natural and Economical History of the American Menhaden, 1879.
• The Fisheries and Fishery Industries of the United States, 7 volumes. Washington DC, 1884-1887.
• American Fishes; a Popular Treatise upon the Game and Food Fishes of North America, with Especial Reference to Habits and Methods of Capture. Nova York, 1888.
• Oceanic Ichthyology, A Treatise on the Deep-Sea and Pelagic Fishes of the World, Based Chiefly upon the Collections Made by the Steamers Blake, Albatross, and Fish Hawk in the Northwestern Atlantic, Washington DC, 1896.
• American Fishes (Nova York, 1888).
• The beginnings of American science. The third century. An address delivered at the eighth anniversary meeting of the Biological society of Washington (Washington DC, 1888).
• Smithsonian institution, 1846-1896; the history of its first half century (Washington DC, 1897).

Eponimia

O xénero Goodea foi dedicado ao seu nome por David Starr Jordan (1851-1931) en 1880, nome que sería posteriormente dado á familia dos Goodeidae.

Especies

Entre as especies que levan o seu nome están as seguintes:

• Lucania goodei Jordan, 1880
• Myliobatis goodei Garman, 1885
• Paralonchurus goodei Gilbert, 1898
• Ptilichthys goodei Bean, 1881
• Sebastes goodei Eigenmann & Eigenmann, 1890
• Trachinotus goodei Jordan & Evermann, 1896

Abreviatura

A abreviatura Goode emprégase para indicar a George Brown Goode como autoridade na descrición e taxonomía en zooloxía.