Gemeenlandshuis (Delft)

Gemeenlandshuis ("Casa común") Sede do Hoogheemraadschap van Delfland ("Consello das Augas de Delfland")
Delft
Instancia de Gemeenlandshuis (en)
Localización  Situado en Delft, Holanda Meridional, Países Baixos, Reino dos Países Baixos  Rúa Canle Oude Delft  Coordenadas 52°00′43″N 4°21′19″L
Patrimonio Rijksmonument   Data 29 de xuño de 1967 Identificador 12026
Códigos e identificadores Código postal 2611HB
Wikidata C:Commons

A Gemeenlandshuis (en galego: "Casa común") é un edificio singular sito na cidade surholandesa de Delft, nos Países Baixos, que foi a sede principal do Consello das Augas de Delfland (en neerlandés: Hoogheemraadschap van Delfland), unha autoridade pública típica dos Países Baixos que se encarga da xestión das augas públicas das diversas cuncas fluviais. 

O edificio

Detalle dos escudos labrados na fachada

O edificio, sito no número 167 da rúa e canle Oude Delft, foi construído en 1505 nun suntuoso estilo Gótico tardío.

A súa fachada, revestida de arenito, que sobreviviu ao grande incendio da cidade de 1536, está amplamente adornada con escudos de armas policromados e pechada por unha balaustrada calada. A súa cubrición é a dúas augas entre pinches de ladrillo inclinado, coroada por chemineas tamén de ladrillo.

O seu primeiro propietario foi Jan de Huyter, preboste de Delft e alguacil da comarca de Delfland. Máis tarde converteuse en residencia de Filipe de Hohenlohe, que estaba casado con María de Nassau, filla de Guillerme I.

Non foi ata 1645 cando se estableceu alí o Hoogheemraadschap van Delfland.

Hoxe o edificio, que goza da consideración de monumento nacional des Países Baixos (Rijksmonument), alberga unha extensa colección de mapas antigos da comarca de Delfland. 

Véxase tamén

Outros artigos

• Delft

Ligazóns externas

• Sitio web oficial do Hoogheemraadschap van DelflandArquivado 30 de maio de 2020 en Wayback Machine.(en neerlandés e inglés)
• "Oude Delft 167. Van Patriciershuis naar Gemeenlandshuis" (en neerlandés)