Gavà

Gavà
Localización
	41°18′26″N 2°00′14″L / 41.307222222222, 2.0038888888889Coordenadas: 41°18′26″N 2°00′14″L / 41.307222222222, 2.0038888888889
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Baix Llobregat
Capital	Gavà (en)
Poboación
Poboación	47.593 (2023) (1.547,24 hab./km²)
Número de fogares	37 (1553)
Lingua oficial	lingua catalá
Xeografía
Parte de	Mancomunitat Municipal Can Sellarès
Superficie	30,76 km²
Bañado por	Mar Mediterráneo
Altitude	9 m
Comparte fronteira con	Sant Climent de Llobregat ; Sitges ; Castelldefels ; Viladecans ; Begues
Organización política
• Alcaldesa	Gemma Badia Cequier (en)
Identificador descritivo
Código postal	08850
Fuso horario	UTC+01:00
Código INE	08089
Código territorial IDESCAT	080898
Outro
Irmandado con	Olocau (pt)
Páxina web	gavaciutat.cat

Gavà é un municipio e cidade do sur da comarca do Baix Llobregat, provincia de Barcelona, na comunidade autónoma de Cataluña, España.

Gavà debe o seu nome, segundo a versión máis estendida, a Gavius, o fundador dunha vila romana que ocupaba parte do que agora é o núcleo antigo da cidade.

Xeografía[editar | editar a fonte]

Gavà ten un termo privilexiado, integrado por unha zona de praia, unha zona forestal e un centro urbano. Ten unha fronte marítima de 4 quilómetros de lonxitude (cunha pineda e un sistema dunar), o Parque Natural do Garraf e un centro urbano que acolle unhas minas prehistóricas e diversos edificios históricos.

Gavà está situada a poucos quilómetros de Barcelona e do aeroporto. Ocupa un territorio de 30,90 quilómetros, onde viven máis de 45.000 habitantes, que se estende desde as praias meridionais do Delta do Llobregat ata a serra de Ponent, últimos contrafuertes do macizo do Garraf.

A cidade de Gavà (9 metros de altitude) está na chaira, baixo a serra de Les Ferreres (134 m). Limita a levante cos termos de Sant Climent de Llobregat e Viladecans (pola rúa de Riera de Sant Llorenç), a poñente co de Castelldefels e Sitges, así como co de Begues ao norte.

Demografía[editar | editar a fonte]

Evolución demográfica
1900	1930	1950	1970	1981	2000	2008
1.825	5.054	6.860	24.213	33.456	39.220	45.190

Economía[editar | editar a fonte]

A súa economía principal é a de servizos, seguida da industria. Aínda mantén actividade agrícola na zona denominada de Les Sorres, que se reflicte cada ano na Feira do Espárrago de Gavà, produto da terra de gran calidade.