Galina Gorokhova

Galina Gorokhova
	;
Biografía
Nacemento	31 de agosto de 1938 (85 anos); Moscova, Rusia
Datos persoais
País de nacionalidade	Unión Soviética ; Rusia
Altura	168 cm
Peso	59 kg
Actividade
Ocupación	esgrimista , adestradora
Partido político	Partido Comunista da Unión Soviética
Lingua	Lingua rusa
Nacionalidade deportiva	Unión Soviética ; Rusia
Deporte	esgrima
Participou en
1972	fencing at the 1972 Summer Olympics – women's foil (en) (Medalla de bronce olímpica)
1968	fencing at the 1968 Summer Olympics – women's team foil (en) (medalla de ouro olímpica)
1964	fencing at the 1964 Summer Olympics – women's team foil (en) (medalla de prata olímpica)
1960	fencing at the 1960 Summer Olympics – women's team foil (en) (medalla de ouro olímpica)
	Premios Orde por Servizos á Patria de cuarto grao; Medalla conmemorativa do 850 aniversario de Moscova; Merited Coach of the USSR (en) ; traballador emérito de cultura física da Federación de Rusia; Honoured Coach of Russia (en) ; Medal "Veteran of Labour" (en) ; Medal "For Distinguished Labour" (en) ; Medal "For Labour Valour" (en) ; Bandeira Vermella do Traballo; Mestre emérito do deporte da Unión Soviética ;

Galina Gorokhova (en ruso: Галина Горохова), nada en Moscova o 31 de agosto de 1938, é unha tiradora de esgrima rusa, xa retirada, gañadora de cinco medallas olímpicas coa Unión Soviética.

Traxectoria[editar | editar a fonte]

Participou, aos 21 anos, nos Xogos Olímpicos de 1960 celebrados en Roma, gañando a medalla de ouro en florete por equipos, quedando cuarta na proba individual. Nos Xogos Olímpicos de 1964 de Toquio gañou a medalla de prata na proba por equipos, rematando outra vez cuarta na proba individual. Nos Xogos Olímpicos de 1968 de México finalizou sexta na proba individual pero volveu gañar o ouro por equipos, metal que revalidou nos Xogos Olímpicos de 1972 de Múnic, gañando ademais unha medalla de bronce na competición individual. Retirouse da competición en 1973 tras romper un brazo nun accidente de coche, comezando a súa preparación como adestradora. Desde 1975 traballou como adestradora do equipo nacional da URSS ata decembro de 1992. Foi unha das fundadoras da Unión de Atletas Soviéticos en 1991 e tras a desaparición da URSS é presidenta da Unión de Atletas Rusos e forma parte do Comité Executivo da Federación de Esgrima Rusa.

Ao longo da súa carreira gañou 15 medallas no Campionato do Mundo de Esgrima, entre elas oito de ouro. Doutorada en historia, a súa tese Культурные связи СССР со странами Западной Европы на современном этапе 1965—1970 годов trata sobre as relacións culturais entre a URSS e a Europa Occidental. Tamén como atleta foi amplamente recoñecida na URSS e despois en Rusia, entre outros títulos conta co de Mestra honorario do deporte (1960), Orde da Bandeira Vermella do Traballo (1965), Adestradora honoraria da URSS (1982), Traballadora Honoraria da Cultura Física (1997), Adestradora honoraria de Rusia (1998), Orde ao Mérito pola Patria, IV Clase (2005)

Véxase tamén[editar | editar a fonte]

Ligazóns externas[editar | editar a fonte]

(en inglés) www.olympic.org - Galina Gorokhova
(en inglés) www.sports-reference.com - Galina Gorokhova