Galicia canta (1970)

Na Galipedia, a Wikipedia en galego.
Galicia canta
Recompliación de varios artistas
Edición 1970
Selo(s) Pobovox

Galicia canta foi un recompilatorio musical realizado en Caracas, Venezuela e lanzado no ano 1970 polo selo Pobovox. É considerado o primeiro LP da música galega[1].

Características[editar | editar a fonte]

Adicado integramente á canción de intervención social, é contemporáneo ao movemento de Voces Ceibes e recolle cancións de varios dos seus membros. Nel participaron os músicos Benedicto, Xavier, Xerardo Moscoso, Miro Casabella, Guillermo, Xoán Rubia, cada un cun tema, e tamén Xulio Formoso, cantor galego-venezolano que colabora con seis cancións e ocupa toda a cara b do mesmo. Tamén colaboran como letristas e animadores o poeta Farruco Sesto Novás, o seu irmao J.J. Sesto, e Celso Emilio Ferreiro, que ademais toca o pandeiro no tema Pandeirada ao Che. Celso Emilio aparece nos créditos do disco co seu pseudónimo Arístides Silveira.

No ano 2007 a revista galega de música Sono-Tone considerou que Galicia Canta podería ser o segundo disco galego máis valorado por coleccionistas[2], calculando que o seu prezo superaría, nunha poxa, os 240 euros que viñan de pagarse ese mesmo ano polo primeiro traballo do grupo N.H.U.. e situándoo só por baixo do primeiro disco de Suso Vaamonde. O disco nunca foi reeditado, e é complicado atopar mesmo unha copia nos novos formatos de distribución pola rede.

Lista de cancións[editar | editar a fonte]

  1. "Romance Incompleto", por Xavier (Música: Xavier; Letra: Celso Emilio Ferreiro)
  2. "No Vietnam", por Benedicto (Música: Benedicto; Letra: Lois Diéguez)
  3. "O Umbral", por Xerardo Moscoso (Música: Xerardo Moscoso; Letra: X. Les)
  4. "Ti, Galiza", por Miro Casabella (Música: Miro Casabella; Letra: X. Costa e P.J. Puértolas)
  5. "Vento de Inxustiza", por Guillermo (Música e Letra: Guillermo Rojo)
  6. "A Emigración", por Xoán Rubia (Música: Xoán Rubia; Letra: Curros Enríquez)
  7. "A história do meu povo", por Xulio Formoso (Música: Xulio Formoso; Letra: J.J. Sesto)
  8. "Un vento ven", por Xulio Formoso (Música: Xulio Formoso; Letra: J.J. Sesto)
  9. "Cholo peruán", por Xulio Formoso (Música: Xulio Formoso; Letra: Farruco Sesto Novás)
  10. "Pandeirada ao Che", por Xulio Formoso (Música: Xulio Formoso; Letra: Farruco Sesto Novás)
  11. "Pola longa lonxanía", por Xulio Formoso (Música: Xulio Formoso; Letra: Celso Emilio Ferreiro)
  12. "O dedo na chaga", por Xulio Formoso (Música: Xulio Formoso; Letra: Celso Emilio Ferreiro)

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]