Galicia (Francisco Fernández del Riego)

Galicia
Instancia de obra literaria  Título Galicia (gl)  Tema principal Galicia viaxe  Xénero artístico libro de viaxes  Lingua lingua galega
Implicados  Autor/a Francisco Fernández del Riego  Editor/a Fran Alonso  Ilustrador/a Irene Fra Gálvez
Organizacións  Editorial Edicións Xerais de Galicia Concello de Vigo
Datas  Data de publicación 1994
Localización  País de orixe España
Fontes e ligazóns
Wikidata

Para outras páxinas con títulos homónimos véxase: Galicia.

Galicia é un libro de viaxes por Galicia, de 158 páxinas, do escritor Francisco Fernández del Riego, publicado en edición non venal, por Xerais para o Concello de Vigo en 1994. Ilustrado con fotografías, debuxos e mapas en cor e branco e negro, anexaba unha carta do, daquela, alcalde de Vigo, Carlos Príncipe.

En 2002 integrouse, co número 91, na Biblioteca Galega 120 de La Voz de Galicia, incluíndo unicamente o texto, sen as imaxes que levaba a primeira edición. Reeditouse no ano 2023 co gallo de dedicárselle ao autor o Día das Letras Galegas.

Contido

Ramón Sanfiz (álter ego do autor) guía por Galicia ao matrimonio de Jean e Marguerite Mauron e ao historiador Pierre Mansour, os tres procedentes da Bretaña.

“	Galicia de Francisco Fernández del Riego é sen dúbida un dos mellores exemplos deste labor divulgativa que, baixo o pretesto de mostrar o país a tres intelectuais bretóns, disecciona maxistralmente a nosa realidade paisaxística, antropolóxica, social e cultural.[sic]	”
— Pousa, Xosé Ramón, "Con don Paco por Galicia". Crítica e autores. p. 519.

Capítulos [sic]

• "Limiar"
• "Da disposición de Ramón Sanfiz e os seus amigos para percorreren Galicia."
• "De Santo Domingo de Bonaval á ría do Eo: Santiago, Arzúa, Sobrado dos Monxes, Melide, Palas de Rei, Lugo, Meira, Ribadeo."

“	Vai adiantando o Renault deica a ría de Ortigueira, que interna as súas augas entre as penínsulas montañosas da Faladoira e a Capelada. A ría péchase ao oeste co cabo Ortegal, cun faro que alaga de luz as noites. E pola outra banda coa Estaca de Bares, gran xigante de pedra derrubada desde a Capelada ao océano. Forman as augas da ría dos seos: un interior, o de Cariño; outro exterior, o de Santa Marta. Ramón Sanfiz ilustra aos seus acompañantes sobre a figura de Federico Maciñeira, estampa familiar en libros e revistas de arqueoloxía prehistórica.	”
— , "Da cidade mindoniense, pola beiramar, a Ferrol".

• "Da cidade mindoniense, pola beiramar, a Ferrol: Lourenzá, Mondoñedo, Ferreira do Valedouro, Viveiro, Santa Marta de Ortigueira, Cariño, Cedeira, San Andrés de Teixido, Ferrol."
• "Da vila dos Andrade a Santa María de Ozón: Pontedeume, Caaveiro, Nosa Señora de Monfero, Betanzos, A Coruña, Carballo, Buño, Malpica, Ponteceso, Corme, Laxe, Baio, Vimianzo, Camariñas, Muxía, San Xiao de Moraime, Santa María de Ozón."
• "Desde o vello cabo do mundo á ría de Arousa: Corcubión, Cee, Fisterra, Carnota, Muros, Noia, Corrubedo, Santa Uxía de Ribeira, Pontecesures, Vilagarcía, Cambados."
• "Viaxe desde Pontevedra a Baiona do Miñor: Pontevedra, San Martiño de Bueu, Cangas de Morrazo, Pontesampaio, Soutomaior, Redondela, Vigo, Baiona do Miñor."
• "Entre Santa María de Oia e a cidade de Ourense: O Tegra, A Guarda, Tui, O Porriño, Ponteareas, Mondariz, Vilasobroso, A Cañiza, Ribadavia, Beade, Leiro, San Clodio, O Carballiño, Cea, Oseira, Ourense."
• "Desde o mosteiro de Ribas do Sil a terras de Monterrei: Nogueira de Ramuín, San Estevo de Ribas de Sil, Maceda, Xunqueira de Ambía, Allariz, Celanova, Bande, Xinzo de Limia, Monterrei, Verín."
• "Saída da Agudiña para Monforte de Lemos: A Agudiña, O Bolo, Viana do Bolo, Santa María das Ermidas, O Barco de Valdeorras, Pobra de Trives, Castro Caldelas, Monforte."
• "Partindo do Incio e Samos ao Lugo murado: Cruz do Incio, Samos, Sarria, Becerreá, Navia de Suarna, Fonsagrada, Castroverde, Lugo."
• "Percorrido de Portomarín a ponte Ulla: Portomarín, Ventas de Narón, Taboada, Chantada, Lalín, A Estrada, Caldas de Reis, Padrón, Ponte Ulla."
• "Remate da peregrinaxe en Santiago de Compostela."
• "Lugares que quedaron por visitar: Vilalba, San Martiño de Mondoñedo, A Toxa, Os Curros, Santa Marta de Ribarteme, Amandi, Os Ancares, O Cebreiro."

Véxase tamén

Bibliografía

• Arias, Juan (2002). "Polas sendas da vella tradición galeguista". Crítica e autores. BG120 II. La Voz de Galicia. pp. 520–521. ISBN 84-9757-098-7. 
• Pousa, Xosé Ramón (2002). "Con don Paco por Galicia". Crítica e autores. BG120 II. La Voz de Galicia. pp. 519–520. ISBN 84-9757-098-7. 
• Ramírez, Cristóbal (2002). "Itinerarios de autor". Crítica e autores. BG120 II. La Voz de Galicia. pp. 521–522. ISBN 84-9757-098-7. 

Outros artigos

• Literatura de viaxes
• Pelerinaxes I
• Galicia vista por un inglés
• Uvas e granito

Ligazóns externas

• Ramírez, Cristóbal (29/1/2002). "«Galicia», de Fernández Del Riego, sintetiza as viaxes da Xeración Nós". La Voz de Galicia. 
• Ficha da edición do ano 2023 no sitio web da editorial.
• Ficha de Galicia nas bibliotecas da Deputación de Pontevedra.