Galactolípido

Na Galipedia, a Wikipedia en galego.
Saltar ata a navegación Saltar á procura
Estrutura química xeral dun monogalactosil diacilglicerol (MGDG), un tipo frecuente de galactolípido. R1 e R2 son cadeas graxas.

Os galactolípidos son un tipo de glicolípidos cuxo azucre é a galactosa. Diferéncianse dos glicosfingolípidos en que non teñen nitróxeno na súa composición.[1]

Son a parte principal dos lípidos de membrana das plantas, nas cales substitúen os fosfolípidos para conservar o fosfato para outros procesos esenciais. A membrana dos cloroplastos contén unha elevada cantidade de monogalactosildiacilglicerol (MGDG) e digalactosildiacilglicerol (DGDG).

Probablemente exercen un papel directo na fotosíntese, xa que se atoparon nas estruturas obtidas por raios X dos complexos fotosintéticos.[2]

Os galactolípidos están máis biodispoñibles que os ácidos graxos e presentan unha actividade antiinflamatoria mediada por COX.[3] O fraccionamento bioguiado de follas de espinaca (Spinacia oleracea) revelou que os galactolípidos de ácido alfa-linolénico (18:3, n-3) eran responsables dos efectos inhibitorios sobre a activación do virus de Epstein-Barr (EBV) inducida por promotor de tumores.[4] Recentemente, demostrouse que este mesmo galactolípido, o 1,2-di-O-α-linolenoil-3-O-α-D-galactopiranosil-sn-glicerol,[5] pode ser importante para a actividade antiinflamatoria da Rosa canina, unha planta medicinal con efectos documentados sobre enfermidades inflamatorias como a artrite.

O galactoesfingolípido galactocerebrósido (GalC) e o seu derivado sulfatado sulfátido está tamén presente en abundancia (xunto cun pequeno grupo de proteínas) na mielina, a membrana arredor dos axóns no sistema nervioso dos vertebrados.[6]

Son os galactolípidos, en vez dos florotaninos, os que actúan como disuasorios dos herbívoros na alga Fucus vesiculosus contra os ourizos de mar Arbacia punctulata.[7]

Notas[editar | editar a fonte]

  1. "Galactolipids". Genetics Home Reference. U.S. National Library of Medicine. 21 December 2009. Consultado o 25 December 2009. 
  2. Dörmann, Peter; Christoph Benning (1 March 2002). "Galactolipids rule in seed plants". Trends in Plant Science 7 (3): 112–118. PMID 11906834. doi:10.1016/S1360-1385(01)02216-6. 
  3. Christensen, L. Galactolipids as Potential Health Promoting Compounds in Vegetable Foods Recent Patents on Food, Nutrition & Agriculture, 2009; 1, 50-58.
  4. Wang R, Furomoto T, Motoyama K, Okazaki K, Kondo A, Fukui H. Possible anti-tumor promoters in Spinacia oleracea (spinach) and comparison of their contents among cultivars. Biosci Biotechnol Biochem 2002; 66(2): 248-254.
  5. Block G, Patterson B, Subar A. Fruit, vegetables, and cancer prevention: A review of the epidemiological evidence. Nutr Cancer 1992; 18(1): 1-29.
  6. Coet, Tomthy; Kunihiko Suzukia; Brian Popkoa; Kunihiko Suzukib; Brian Popkoc; Kunihiko Suzukid; Brian Popko (1 March 1998). "New perspectives on the function of myelin galactolipids". Trends in Neurosciences 21 (3): 126–130. PMID 9530920. doi:10.1016/S0166-2236(97)01178-8. 
  7. Galactolipids rather than phlorotannins as herbivore deterrents in the brown seaweed Fucus vesiculosus. Michael S. Deal, Mark E. Hay, Dean Wilson and William Fenical, Oecologia, June 2003, Volume 136, Issue 1, pages 107-114, doi 10.1007/s00442-003-1242-3