Gal (unidade)

Gal (unidade)
Instancia de unidade de aceleración unidade derivada UCUM  Parte de Sistema CGS  Epónimo Galileo Galilei
Magnitude física aceleración
Características  Símbolo da unidade Gal
Cifras e dimensións  Conversión a sistema internacional 0,01 m/s²
Códigos e identificadores Freebase /m/030zvd
Wikidata

Anomalías do campo gravitacional terrestre (expresado en miligal) respecto do valor estimado, considerando a variación do radio terrestre.

Gal é o nome asignado á unidade de aceleración no sistema cexesimal de unidades (CGS). Vén definida como un centímetro por segundo ó cadrado (1 cm/s²). O seu símbolo é gal. O seu nome foi posto en honra de Galileo Galilei, quen primeiro mediu a aceleración da gravidade terrestre.

A súa equivalencia coa unidade do normativo Sistema Internacional de Unidades é: 1 gal = 0,01 m/s². Tamén é usado o miligal: 1 mgal = 10⁻⁵ m/s².

Aínda que non é moi usada, por non pertencer ó Sistema Internacional de Unidades, ten un certo prestixio nalgúns campos como a xeofísica ou a xeodesia.

A aceleración gravitacional da Terra varía, na súa superficie, entre 976 e 983 gal.

Véxase tamén

Ligazóns externas

• Medidas básicas. Axencia Espacial Europea.