Gaivina negra

Gaivina negra
	Chlidonias niger ; Carl von Linné 1758
	Instancia de taxon
Conservación
	Especie pouco preocupante
Clasificación taxonómica
	Categoría taxonómica especie
	Taxon superior Chlidonias
Reino
Reino	Animalia
Filo	Chordata
Clase	Aves
Orde	Charadiiformes
Familia	Laridae
Xénero	Chlidonias
Especie	Chlidonias niger
	Subdivisións C. n. niger – (Linnaeus, 1758); de Eurasia; C. n. surinamensis – (Gmelin, 1789); de Norteamérica;
Masa
Cifras e dimensións
Masa
Masa	11 g peso de nacemento ; 60 g peso adulto
Envergadura	0,539 m
Localización
	Área de distribución Brasil; América do Sur; África
Freebase
Códigos e identificadores
Freebase
Freebase	/m/01ts99
ITIS	176959
OTT	234666
UICN	22694787
	Wikidata G:Commons C:Commons

A gaivina negra^[1]^[2] ou carrán mouro^[3] (Chlidonias niger) é unha pequena ave que se encontra xeralmente preto de zonas de augas interiores de Europa e Norteamérica, que foi clasificada na familia dos láridos (ou antes na dos estérnidos). Como o seu nome indica ten unha plumaxe predominantemente negra. Segundo como lle dea a luz pode parecer azul na estación reprodutora.^[4] O nome do xénero procede do antigo grego khelidonios, 'similar á andoriña'.^[5] O nome da especie procede do latín niger 'negro brillante'.^[6]

Descrición

Os adultos miden uns 25 cm de longo, cunha envergadura alar de 61 cm e un peso de 62 g. Teñen patas escuras curtas e un bico curto, negro e de aparencia débil, que mide 27 mm, case tan longo coma a cabeza. O bico é longo, delgado, e lixeiramente curvado. Teñen un dorso gris escuro, coa parte anterior das ás branco, cabeza negra, barriga e pescozo negros (ocasionalmente o pescozo cuberto de gris no adulto), pileo tamén negro ou marrón anegrado (coa mesma cor que as coberteiras dos oídos, formando unha caparuza case completa), e unha cola 'cadrada' gris amarronada clara. A face é branca. Ten unha gran mancha triangular escura diante dos ollos, e un colar branco ancho nos xuvenís. Presenta manchas marróns agrisadas nos laterais do seu peito branco, unha prolongación cara a atrás da plumaxe das partes inferiores. Estas marcas varían en tamaño e non son moi destacadas. Na plumaxe non reprodutora a maioría da cor negra, quitando o píleo, é substituída por gris. A plumaxe da parte inferior é algo máis escura, con beiras das plumas claras. A mitra é gris amarronada.

A raza ou subespecie de Norteamérica, C. n. surinamensis, pode distinguirse da forma europea en todas as plumaxes e algúns considérana unha especie diferente.

Os batidos das ás son completos e dinámicos e o voo adoita ser errático.

A súa chamada foi descrita como un "kik" agudo; o son dunha bandada grande pode ser "enxordecedor".

Hibridación coa gaivina de á branca

A hibridación entre esta especie e a gaivina de á branca foi observada en Suecia^[7] e os Países Baixos.^[8] Crese que dous exemplares novos atopados en Chew Valley Lake, Inglaterra en setembro de 1978 e setembro de 1981, eran tamén híbridos, xa que presentaban unha mestura de caracteres das dúas especies, concretamente unha combinación de manto escuro (característico da gaivina de á branca) e de manchas escuras no lateral do peito (característica da gaivina negra).^[9]^[10]

Distribución e hábitat

O seu hábitat reprodutor son as marismas de auga doce que se encontran na maior parte do Canadá, norte dos Estados Unidos e boa parte de Europa e oeste de Asia. Xeralmente nidifican en vexetación flotante das marismas ou no chan preto da auga. Poñen de 2 a 4 ovos.

As gaivinas negras norteamericanas migran ás costas do norte de Suramérica, algunhas polo mar aberto. Os exemplares do Vello Mundo invernan en África.

A diferenza dos carráns "brancos" do xénero Sterna, estas aves non se mergullan para capturar o peixe, senón que recollen alimento da superficie da auga ou preto da superficie e raramente se mergulla, ou capturan insectos en voo. Comen principalmente insectos, peixes e anfibios.

Aves errantes

A raza ou subespecie americana pode chegar errante a Europa, e hai varios rexistros dela en Gran Bretaña^[11]^[12] e Irlanda.^[13]^[14]^[15] A Galicia tamén chega, onde se considera unha ave escasa e de paso.^[3]

Conservación

A poboación norteamericana diminuíu nos últimos anos debido á perda de hábitat.

É unha das especies ás que se lle aplica o Acordo sobre a Conservación de Aves Acuáticas Migratorias Africano-Eurasiático (AEWA).

Galería

Plumaxe non reprodutora
Plumaxe reprodutora en eclipse
Gaivinas negras apareándose en Estonia
Ovo desta especie na colección do Museo de Wiesbaden
Un polo acabado de eclosionar e dous ovos nun niño feito sobre xuncos flotantes, en Ontario, Canadá

Notas

↑ Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016.
↑ Gaivina negra (Chlidonias niger). Consellería de medioambiente. Xunta de Galicia.
1 2 Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.
↑ Cocker, Mark and Mabey, Richard Birds Britannica Chatto and Windus London 2005 p.250
↑ Cocker and Mabey Birds Britannica p.250
↑ Jobling, James A (2010). The Helm Dictionary of Scientific Bird Names. London: Christopher Helm. pp. 102, 270. ISBN 978-1-4081-2501-4.
↑ (en sueco) Alexandersson, H. (1979) En hybridisering mellan vitvingad tärna Chlidonias leucopterus och svarttärna Chlidonias niger på Öland 1978 Calidris 8: 151-53
↑ (en neerlandés) Van IJzendoorn, E. J. (1980) Broedgeval van Zwarte Chlidonias niger × Witvleugelstern C. leucopterus Dutch Birding 2: 62-65
↑ Vinicombe, Keith (1980) Tern showing mixed characters of Black Tern and White-winged Black Tern British Birds 73(5): 223-25
↑ Davis, A. H. (1980) Tern showing mixed characters of Black and White-winged Black Tern British Birds 75(12): 579-80
↑ Andrews, Richard, Rupert Higgins and John Martin (1999) The American Black Tern in Avon Birding World 12(10): 416-18 (an account of the first British record)
↑ Andrews, R. M., R. J. Higgins and J. P. Martin (2006) American Black Tern at Weston-super-Mare: new to Britain British Birds 99(9): 450-59
↑ Adriaens, Peter (1999) The American Black Tern in County Dublin Birding World 12(9): 378-79
↑ Bradshaw, Colin (2003) The American Black Tern in County Kerry Birding World 16(10): 434
↑ Mullarney, Killian (2003) The American Black Tern in Co. Wexford Birding World 19(7): 279-82

Véxase tamén

Ligazóns externas

Gaivina negra - Chlidonias niger Arquivado 31 de decembro de 2007 en Wayback Machine. - USGS Patuxent Bird Identification InfoCenter
Informe sobre Ch. niger - Cornell Lab of Ornithology
Texto sobre esta especie en The Atlas of Southern African Birds
{{{2}}} en Avibase
Vídeos, fotos, e sons de Black tern na Internet Bird Collection
Galería de fotos de Black tern en VIREO (Universidade de Drexel)
Mapa interactivo da área de distribución de Chlidonias niger en IUCN Red List maps

[1] Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016.

[xunta-2] Gaivina negra (Chlidonias niger). Consellería de medioambiente. Xunta de Galicia.

[Penas-3] 1 2 Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.

[4] Cocker, Mark and Mabey, Richard Birds Britannica Chatto and Windus London 2005 p.250

[5] Cocker and Mabey Birds Britannica p.250

[job-6] Jobling, James A (2010). The Helm Dictionary of Scientific Bird Names. London: Christopher Helm. pp. 102, 270. ISBN 978-1-4081-2501-4.

[7] (en sueco) Alexandersson, H. (1979) En hybridisering mellan vitvingad tärna Chlidonias leucopterus och svarttärna Chlidonias niger på Öland 1978 Calidris 8: 151-53

[8] (en neerlandés) Van IJzendoorn, E. J. (1980) Broedgeval van Zwarte Chlidonias niger × Witvleugelstern C. leucopterus Dutch Birding 2: 62-65

[9] Vinicombe, Keith (1980) Tern showing mixed characters of Black Tern and White-winged Black Tern British Birds 73(5): 223-25

[10] Davis, A. H. (1980) Tern showing mixed characters of Black and White-winged Black Tern British Birds 75(12): 579-80

[11] Andrews, Richard, Rupert Higgins and John Martin (1999) The American Black Tern in Avon Birding World 12(10): 416-18 (an account of the first British record)

[12] Andrews, R. M., R. J. Higgins and J. P. Martin (2006) American Black Tern at Weston-super-Mare: new to Britain British Birds 99(9): 450-59

[13] Adriaens, Peter (1999) The American Black Tern in County Dublin Birding World 12(9): 378-79

[14] Bradshaw, Colin (2003) The American Black Tern in County Kerry Birding World 16(10): 434

[15] Mullarney, Killian (2003) The American Black Tern in Co. Wexford Birding World 19(7): 279-82

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]