Furacán de Cuba de 1910

Na Galipedia, a Wikipedia en galego.
Saltar ata a navegación Saltar á procura
O furacán o 10 de outubro de 1910.

O furacán de Cuba de 1910, popularmente coñecido como o Ciclón dos Cinco Días, foi un ciclón tropical destrutivo e pouco frecuente que asolou Cuba e os Estados Unidos en outubro de 1910. Formouse no sur do Caribe o 9 de outubro e intensificouse mentres se movía cara ó noroeste, converténdose nun furacán o 12 de outubro. Despois de cruzar a parte occidental da illa de Cuba, chegou ó seu punto culminante o 16 de outubro, día no que acadou a categoría 4 na Escala de furacáns de Saffir-Simpson. Movíase nun círculo en sentido antihorario e chegou de novo a Cuba. Despois seguiu cara a Florida, recalando preto do Cabo Romano. Despois de moverse a través do estado, chegou á costa do sueste dos Estados Unidos antes de desfacerse en mar aberto.

Por mor do seu bucle pouco frecuente, os informes iniciais afirmaban que se trataba de dúas tempestades separadas que se desenvolveron e recalaron nunha rápida sucesión. O seu percorrido foi obxecto dun gran debate na época até que finalmente se identificou como unha única tempestade. A análise do acontecemento levou a unha maior comprensión deste tipo de fenómenos meteorolóxicos.

A tempestade está considerada como unha das peores catástrofes naturais na historia cubana. Provocou moitos danos materiais e milleiros de persoas quedaron sen casa. Tamén tivo un gran impacto en Florida, onde destruíu moitas casas e provocou asolagamentos. Aínda que o dano monetario total da tempestade é descoñecido, estímase que só na Habana os danos excederon o millón de dólares e 250 000 nos Keys de Florida. Como mínimo, houberon 100 mortos só en chan cubano.

Véxase tamén[editar | editar a fonte]

Bibliografía[editar | editar a fonte]

  • Barnes, Jay (2007). Florida's Hurricane History. Chapel Hill Press. ISBN 0-8078-3068-2. 
  • Longshore, David (2008). Encyclopedia of Hurricanes, Typhoons, and Cyclones. Checkmark Books. ISBN 0-8160-7409-7.