Fulepa das xunqueiras

Na Galipedia, a Wikipedia en galego.
Saltar para a navegação Saltar para a pesquisa
Fulepa das xunqueiras
Fulepa das xunqueiras pousada nunha póla.
Fulepa das xunqueiras pousada nunha póla.

Son da fulepa das xunqueiras.
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Passeriformes
Superfamilia: Sylvioidea
Familia: Acrocephalidae
Xénero: Acrocephalus
Especie: A. schoenobaenus
Nome binomial
'Acrocephalus schoenobaenus'
(Linnaeus, 1758)

A fulepa das xunqueiras (Acrocephalus schoenobaenus) é unha ave paseriforme da familia Sylviidae.

Descrición[editar | editar a fonte]

Miden uns 13 cm de lonxitude e teñen unha envergadura de alas de entre 17 e 21 cm. Os adultos pesan entre 10 e 15 g. A parte superior é castaña agrisada con marcas escuras, a inferior é amarelada. Teñen a gorxa abrancazada. Na cabeza amosa un "pucho" negro e ten unha marca superciliar ou cella de cor gris clara. A coloración dos dous sexos é semellante. O bico é aguzado.

Distribución e hábitat[editar | editar a fonte]

Cría en Europa e no leste e centro de Asia. É unha ave migratoria de longa distancia. Os exemplares europeos, presentes no continente entre abril e outubro, pasan o inverno ó sur do Sahara, unha viaxe de ata 6.000 km para a que deben acumular boas reservas de graxa.

O seu hábitat son as xunqueiras e a vexetación mesta das beiras de ríos, lagos, pantanos e outras zonas acuáticas.

Alimentación[editar | editar a fonte]

Aliméntanse de insectos, arañas, pequenos invertebrados e bagas.

Reprodución[editar | editar a fonte]

Maduran sexualmente ó ano de vida. En Europa a forza da estación de cría sitúase entre maio e xullo. As femias fan un niño recuberto de follas e herbas entre a vexetación mesta, a pouca altura sobre da auga. Nel poñen entre 4 e 6 ovos averdesados con manchas amarelas e agrisadas, que chocan de unhas dúas semanas. Os polos están en condicións para voar cando teñen 10 ou 12 días.

Nome vulgar noutras linguas[editar | editar a fonte]

  • Alemán: Schilfrohrsänger
  • Danés: Sivsanger
  • Finés: Ruokokerttunen
  • Francés: Phragmite des joncs
  • Inglés: Sedge Warbler
  • Italiano: Forapaglie
  • Neerlandés: Rietzanger
  • Sueco:Sävsångare

Galería de imaxes[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

  1. BirdLife International (2014). "Acrocephalus schoenobaenus". Lista Vermella de especies ameazadas. Versión 2014.2 (en inglés). Unión Internacional para a Conservación da Natureza. Consultado o 28 August 2014.