Freira de ás grandes
| Freira de ás grandes | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Estado de conservación | |||||||||||||||
 Pouco preocupante[1] | |||||||||||||||
| Clasificación científica | |||||||||||||||
| |||||||||||||||
 | |||||||||||||||
A freira de ás grandes[2] (Pterodroma macroptera) é unha ave mariña procelárida que vive e se reproduce nos mares do sur.
Taxonomía
[editar | editar a fonte]Esta especie antes contiña dúas subespecies, P. m. macroptera e P. m. gouldi, esta última endémica de Nova Zelandia. En 2014, esta última foi recoñecida como especie de seu, co nome Pterodroma gouldi.[1] En 2016 publicáronse máis investigacións que tamén apoiaban o seu novo status de especie.[3]
Descrición
[editar | editar a fonte]É unha ave mariña grande, cunha lonxitude corporal de 42–45 cm. É completamente marrón escura excepto por unha mancha branca variable preto da base do bico, o cal é negro.[1]
Distínguese da pardela escura e de Ardenna tenuirostris pola súa parte inferior das ás totalmente escura, o bico groso e forte, e o seu diferente aspecto xeral. A especie similar Ardenna carneipes ten bico rosado claro. Os petreis do xénero Procellaria son máis grandes e teñen un voo distinto.[Cómpre referencia]
Distribución
[editar | editar a fonte]A freira de ás grandes reprodúcese no hemisferio sur entre os paralelos 30° S e 50° S, con colonias en Tristán da Cunha, illa Gough, illas Crozet, illas Príncipe Eduardo, illas Kerguelen e nas costas do sur de Australia. É un vagante raro no océano Pacífico nas costas de California, Estados Unidos.[1]
Ecoloxía
[editar | editar a fonte]Aliméntase principalmene de luras e en menor medida de peixes e crustáceos. Xeralmente captura as presas de noite, metendo o bico na superficie. En ocasións segue as baleas e asóciase con outras especies de aves relacionadas para alimentarse. A reprodución prodúcese no inverno do sur (empezando en abril); os niños poden ser solitarios ou en pequenas colonias, localizados en buratos ou na superficie entre penedos ou vexetación baixa.[1]
Galería
[editar | editar a fonte]
Freira de ás grandes (Pterodroma macroptera) ao leste da península de Tasman, Tasmania, Australia.
Exemplar novo.
Notas
[editar | editar a fonte]- 1 2 3 4 5 BirdLife International (2014). "Pterodroma macroptera". IUCN Red List of Threatened Species 2014: e.T45048812A45049213. doi:10.2305/IUCN.UK.2014-2.RLTS.T45048812A45049213.en.
- ↑ "Denominación das aves". Real Academia Galega. Consultado o 2024-12-05.
- ↑ Wood, Jamie R.; Lawrence, Hayley A.; Scofield, R. Paul; Taylor, Graeme A.; Lyver, Phil O'B.; Gleeson, Dianne M. (maio de 2016). "Morphological, behavioural, and genetic evidence supports reinstatement of full species status for the grey-faced petrel, (Procellariiformes: Procellariidae)". Zoological Journal of the Linnean Society. doi:10.1111/zoj.12432.
Véxase tamén
[editar | editar a fonte]Bibliografía
[editar | editar a fonte]- Harrison, Peter. Seabirds of the World: A Photographic Guide. Princeton University Press, Princeton, New Jersey, 1987, ISBN 0-691-01551-1
- Marchant S, Higgins PJ (1990) Handbook of Australian, New Zealand & Antarctic birds, Volume 1, Part A: Ratites to Petrels, Vol. Oxford University Press, Melbourne
- "Great-winged Petrel Pterodroma macroptera". BirdLife International Species Fact Sheet.
Ligazóns externas
[editar | editar a fonte] |
Wikispecies posúe unha páxina sobre: Freira de ás grandes |
- Arquivado 2015-01-13 en Wayback Machine., Translocation Example of the Great-Winged petrel /Oi.