Fragatas

Na Galipedia, a Wikipedia en galego.
(Redirixido desde "Fregatidae")
Saltar ata a navegación Saltar á procura
Fragatas
Fregata magnificens
Fregata magnificens
Clasificación científica
Reino: Animalia
Filo: Chordata
Clase: Aves
Orde: Suliformes
Familia: Fregatidae
Xénero: Fregata
Lacépède, 1799
Especies

Existen 5 especies de fragatas[1] ou rabiforcados[2]. Estas aves, que están emparentadas entre si, pertencen ao xénero Fregata, o único da familia dos fregátidos (Fregatidae), que xunto con outras familias de aves mariñas coma os pelicanos, rabodepallas, corvos mariños e mascatos, constitúen tradicionalmente a orde Pelecaniformes.

Todas son de gran tamaño, adoitan ter unha envergadura de ás de máis de 1,80 m, aínda que o seu esqueleto pode pesar escasamente 114 g. Poden ser de cores negro ou negro e branco.

Esta rechamante combinación de tamaño e lixeireza permítelles planear sen esforzo sobre o mar, onde asexan atentamente a outros paxaros. Se unha fragata ve a outro paxaro, capturando un peixe, lánzase a acosalo até obrigalo a guindar a súa presa, e habilmente atrapa o peixe antes de que caia á auga. As fragatas aniñan en árbores e matogueiras, e os machos atraen ás femias inflando unha bolsa que teñen na gorxas, semellante a un globo vermello. Case nunca se pousan na auga.

Atópase en zonas tropicais orientais dos océanos Pacífico e Atlántico.

Galería de imaxes[editar | editar a fonte]

Notas[editar | editar a fonte]

  1. Dicionario Digalego fragata Arquivado 18 de agosto de 2018 en Wayback Machine.
  2. Conde Teira, M. A. (1999). "Nomes galegos para as aves ibéricas: lista completa e comentada". Chioglossa (A Coruña) 1: 122. Consultado o 16 de agosto de 2018. 

Véxase tamén[editar | editar a fonte]

Ligazóns externas[editar | editar a fonte]