Frank Auerbach

Frank Auerbach

Biografía
Nacemento	29 de abril de 1931 Berlín
Morte	11 de novembro de 2024 (93 anos) Londres
Outros nomes	Auerbach, Frank Helmuth
Grupo étnico	Pobo xudeu
Educación	Royal College of Art (1952–1955) Escola de Arte de Saint Martin (1948–1952) London South Bank University Bunce Court School (en)
Actividade
Campo de traballo	Arte visual
Lugar de traballo	Londres (1948–2009) Gran Bretaña
Ocupación	pintor, deseñador gráfico, debuxante, artista
Período de actividade	1952 - 2024
Empregador	Colexio de Artes Camberwell
Xénero artístico	Retrato, nudez na arte e pintura paisaxística
Movemento	Arte contemporánea
Influencias	David Bomberg
Familia
Cónxuxe	Julia Auerbach (1958–2024), morte do cónxuxe
Fillos	Jake Auerbach
Parentes	Marcel Reich-Ranicki, curmán Andrew Ranicki

Frank Helmut Auerbach, nado en Berlín o 29 de abril de 1931 e finado en Londres o 11 de novembro de 2024, foi un pintor alemán que se converteu en cidadán británico en 1947.

Traxectoria

Fillo do avogado Max Auerbach e da pintora Charlotte Nora Burchardt, naceu en Berlín pero grazas á escritora Iris Origo, foi enviado a Inglaterra en 1939 para escapar da persecución nazi. Aos sete anos marchou vía Hamburgo cara a Southampton. Nunca volveu ver os seus pais, que morreron en campos de concentración. Na escola de Kent, destacou como actor e pintor, participando nas obras de Peter Ustinov en St Pancras. Estudou no Royal College of Art de 1952 a 1955.

A súa primeira exposición individual foi en 1956, e as principais mostras na Marlborough Gallery de Nova York en 1969, 1982, 1994, 1998 e 2006. En 1986 representou Inglaterra na Bienal de Venecia, gañando o premio xunto a Sigmar Polke.

Realizou importantes retrospectivas no Kunstverein de Hamburgo, no Centro de Arte Reina Sofía de Madrid, en 1987, no Museo Van Gogh de Amsterdam, en 1989; no Yale Centre for British Art, New Haven, e na National Gallery, Londres, en 1995.