Francisco de Acuña
  | |
| Biografía | |
|---|---|
| Nacemento | (es) Francisco Antonio del Carmen de Acuña Coello y Torrado 1752 A Pobra do Caramiñal, España |
| Morte | 1815 (62/63 anos) San Fernando del Valle de Catamarca |
| Datos persoais | |
| País de nacionalidade | España |
| Actividade | |
| Ocupación | militar |
| Lingua | Lingua castelá |
| Familia | |
| Fillos | Tadeo Acuña |
Francisco Antonio del Carmen de Acuña Coello y Torrado, nado na Pobra do Caramiñal o 21 de maio de 1752, e finado en San Fernando del Valle de Catamarca en 1815, foi un comerciante, militar e terratenente galego.
Foi o último gobernante español da cidade arxentina de San Fernando del Valle de Catamarca previo á Revolución de Maio, e o primeiro en rexer de facto a cidade baixo o réxime revolucionario, aínda cando fora designado pola Coroa. Xenearca da familia Acuña de Catamarca cuxos descendentes ocuparon relevantes posicións na provincia e ante a nación durante os séculos XIX e XX.
Traxectoria[editar | editar a fonte]
En 1766 solicitou co nome de Francisco de Acuña y Ocampo ser bolseiro do Colexio de San Xerome, dependente da Universidade de Santiago de Compostela. Para facelo houbo demostrar coñecementos de gramática, ser fillo lexítimo, “cristián vello e descendente de tal".
Tres anos máis tarde marchou a Buenos Aires, cidade na que “aprendeu o comercio” e permaneceu até 1772. Radicado en Catamarca por disposición real, desempeñouse como Defensor Fiscal e Comisionado de Temporalidades, Notario do Santo Oficio, Alcalde de 1.er. Voto, Tenente Gobernador, Sub-delegado da Real Facenda, Sarxento Maior da Praza, Comandante de Armas e Deputado ante o Consulado de Buenos Aires.