Francisco Rodríguez Otero

Na Galipedia, a Wikipedia en galego.
Francisco Rodríguez Otero
Nacemento 1 de novembro de 1901
  Tomiño
Falecemento 4 de outubro de 1936
  Mondariz
Nacionalidade España
Ocupación xornalista
editar datos en Wikidata ]

Francisco Rodríguez Otero, coñecido como Paquiño de Figueiró, nado en Tomiño o 1 de novembro de 1901 e finado en Mondariz o 4 de outubro de 1936, foi un político galego.

Traxectoria[editar | editar a fonte]

Farmacéutico de profesión, foi un político agrarista que presidiu a Federación Municipal Agraria de Tomiño, e foi coorganizador e tesoureiro do Congreso Provincial Agrario (1929). Directivo da Sociedad Aurora del Porvenir en Tomiño. Ocupou o cargo de Secretario do Xulgado de Paz de Tomiño. Foi concelleiro en Tomiño en 1931. Foi membro do Partido Galeguista. Co golpe de Estado do 18 de xullo de 1936 foi detido e internado na prisión de Tui, tiña causa aberta en Vigo por traizón, o 4 de outubro de 1936 foi sacado da prisión e levado polos falanxistas ata Mondariz onde foi paseado con Hipólito Gallego Camarero e outros, aparecendo o seu corpo tirado na cuneta.

Foi redactor de El Agro de Tomiño (1928), fundador e director do semanario Agro del Miño (1931), colaborador de Heraldo Guardés e redactor de Nuevo Heraldo (1934-1936). Publicou Memoria correspondiente al XX año de su existencia y al Ejercicio de 1925 (1926).

Foi xogador de fútbol do Club Goian. En 1927 casou con Isaura Gómez Pérez.

Véxase tamén[editar | editar a fonte]

Ligazóns externas[editar | editar a fonte]