Francisco Rodríguez Otero

Na Galipedia, a Wikipedia en galego.
Saltar ata a navegación Saltar á procura
Francisco Rodríguez Otero
Nacemento1 de novembro de 1901
 Tomiño
Falecemento4 de outubro de 1936
 Mondariz
NacionalidadeEspaña
Ocupaciónxornalista
editar datos en Wikidata ]

Francisco Rodríguez Otero, coñecido como Paquiño de Figueiró, nado en Tomiño o 1 de novembro de 1901 e finado en Mondariz o 4 de outubro de 1936, foi un político galego.

Traxectoria[editar | editar a fonte]

Farmacéutico de profesión, foi un político agrarista que presidiu a Federación Municipal Agraria de Tomiño, e foi coorganizador e tesoureiro do Congreso Provincial Agrario (1929). Directivo da Sociedad Aurora del Porvenir en Tomiño. Ocupou o cargo de Secretario do Xulgado de Paz de Tomiño. Foi concelleiro en Tomiño en 1931. Foi membro do Partido Galeguista. Co golpe de Estado do 18 de xullo de 1936 acompañou a Antón Alonso Ríos a Tui e A Guarda en calidade de enlaces entre os diferentes cComités de Defensa da República do baixo Miño. Cando entraron as tropas en Tui fuxiu a Portugal o día 25 de xullo e presentouse á policía lusa, pero foi entregado á policía española polo posto internacional de Tui. Detido o 29 de xullo, o 6 de agosto foi internado no Seminario de Tui, que funcionaba como prisión. Tiña causa aberta en Vigo por traizón. O 4 de outubro de 1936 foi sacado da prisión e levado polos falanxistas ata Mondariz onde foi paseado con Hipólito Gallego Camarero, Manuel Piñeiro Zúñiga, Domingo Paramos Nuñez e Manuel Pérez Besada, aparecendo o seu corpo tirado na cuneta.

Foi redactor de El Agro de Tomiño (1928), fundador e director do semanario Agro del Miño (1931), colaborador de Heraldo Guardés e redactor de Nuevo Heraldo (1934-1936). Publicou Memoria correspondiente al XX año de su existencia y al Ejercicio de 1925 (1926).

Foi xogador de fútbol do Club Goian. En 1927 casou con Isaura Gómez Pérez.

Véxase tamén[editar | editar a fonte]

Bibliografía[editar | editar a fonte]

  • Rodríguez Gallardo, Ángel (2008). "A represión franquista no concello de Tui". O Miño, unha corrente de memoria. Actas das Xornadas sobre a represión franquista no Baixo Miño (2006, 2007). Ponteareas: Alén Miño. p. 91. ISBN 978-84-930739-8-5. 

Ligazóns externas[editar | editar a fonte]