Francisco Marhuenda
| Francisco Marhuenda | |
|---|---|
 | |
| Nacemento | 12 de xaneiro de 1961 (62 anos) |
| Lugar de nacemento | Barcelona, España |
| Nacionalidade | España |
| Ocupación | Xurista e xornalista |
| Premios | sen etiquetar |
| Na rede | |
  | |
| [ editar datos en Wikidata ] | |
Francisco Marhuenda García, nado en Barcelona o 12 de xaneiro de 1961, é un avogado español, actual director do diario La Razón.
Biografía[editar | editar a fonte]
Francisco Marhuenda é Doutor en Dereito[1] e licenciado en Periodismo, adicándose tamén á vida política.
En febreiro de 2008 foi nomeado director de La Razón por acordo do Consello de Administración. Tamén é persoal docente na Universidade Rei Xoán Carlos de Madrid.[2]
Periodista[editar | editar a fonte]
Traballou no ABC, ademais de colaborar en Economist & Jurist e El noticiero universal.[3] Tras un período traballando no Goberno, volveu exercer como xornalista e incorporouse en 2001 a La Razón como subdirector en Cataluña. En febreiro de 2008, sete anos máis tarde, foi elixido Director do periódico, substituíndo a José Alejandro Vara.[4]
É colaborador en diferentes programas de radio e televisión, como Julia en la Onda (Onda Cero, 2010-2011), La linterna (Cadena COPE, desde 2010), La Mañana (Cadena COPE, desde 2010), El món a Rac 1 (Rac 1 ), 59 segundos (TVE, 2008-2012), Los desayunos de TVE (desde 2009), El debate de La 1 (TVE), Espejo Público (Antena 3) ou Al rojo vivo (laSexta, desde 2012).
O 1 de febreiro de 2013, a raíz da publicación dun comentario editorial seu, exculpatorio do Presidente do Goberno sobre o "Caso Bárcenas" no xornal que dirixe, "La Razón" (http://www.larazon.es/detalle_opinion/noticias/919610/opinion+columnistas/causa-general-contra-el-pp ), suscitou unha enorme polémica, ao considerar moitas das opinións posteriores, que o seu artigo carecía de falta de obxectividade.
Profesor universitario[editar | editar a fonte]
Desde 1993 exerce como profesor en distintas universidades españolas. Foi profesor de Comunicación e Dereito da Información na Universitat Abat Oliva e profesor de Dereito Constitucional na Universidade Autónoma de Barcelona. En outubro de 2018 foi nomeado profesor titular na Universidade Rei Xoán Carlos.[5]
Política[editar | editar a fonte]
Nos anos 1970 formou parte do Comité Executivo das Xuventudes de UCD.[6] En 1995 afiliouse ao Partido Popular e resultou elixido deputado deste partido no Parlamento de Cataluña o 19 de novembro dese mesmo ano. O 10 de maio de 1996, cando o PP gañou as eleccións xerais, o Consello de Ministros nomeouno Director do gabinete do ministro de Administracións Públicas,[7] baixo as ordes do que, anos despois, sería presidente do Goberno, Mariano Rajoy. Continuou no mesmo cargo xunto a Rajoy cando este, en 1999, foi nomeado Ministro de Educación e Cultura. Cando Rajoy era Ministro da Presidencia, Marhuenda foi nomeado, o 5 de maio de 2000, Director Xeral de Relacións coas Cortes en dito Departamento.[8] Exerceu o cargo durante algo menos dun ano.
Premios[editar | editar a fonte]
- Antena de Ouro (2007)
Notas[editar | editar a fonte]
- ↑ "[Ficha da tese] Los hechos diferenciales y el proceso de la construcción política de las autonomías.". Base de datos TESEO (en castelán). Consultado o 18 de outubro de 2018.
- ↑ "Profesores e Investigadores". gestion2.urjc.es (en castelán). Consultado o 18 de outubro de 2018.
- ↑ Infoperiodistas.com, ed. (12 de febreiro de 2008). "Francisco Marhuenda, nuevo director de La Razón". Consultado o 2 de maio de 2013.
- ↑ El Mundo, ed. (11 de febreiro de 2008). "Francisco Marhuenda, director de 'La Razón' tras la marcha de Vara". Consultado o 2 de maio de 2013.
- ↑ "Resolución de 4 de octubre de 2018, de la Universidad Rey Juan Carlos, por la que se nombra Profesor Titular de Universidad a don Francisco Marhuenda García.". Boe.es (en castelán). Consultado o 18 de outubro de 2018.
- ↑ Foro Nueva Economía (ed.). "Biografía de Francisco Marhuenda". Consultado o 2 de maio de 2013.
- ↑ Boletín Oficial del Estado, ed. (11 de maio de 1996). "Real Decreto 974/1996, do 10 de maio, polo que se nomea como Director do Gabinete do Ministro de Administracións Públicas a don Francisco Marhuenda García" (PDF) (en español). Consultado o 2 de maio de 2013.
- ↑ Boletín Oficial del Estado, ed. (11 de maio de 1996). "Real Decreto 632/2000 do 5 de maio, polo que se dispón o cese de don Francisco Marhuenda García como Director do Gabinete do Ministro de Educación e Cultura" (PDF) (en español). Consultado o 2 de maio de 2013.
