Francesca Caccini

Na Galipedia, a Wikipedia en galego.
Saltar ata a navegación Saltar á procura

Biografía[editar | editar a fonte]

Francesca Caccini naceu en 1587 en Florencia, Italia. Pertence á época do movemento artístico do Renacemento. Foi cantante, compositora, profesora de música, escritora, laudista, poetisa e a primeira muller en compoñer unha ópera. Tamén ás veces coñecida como "A Cecchina".

No século XVII era pouco común que unha muller tivese semellantes coñecementos, a non ser que os obtivera na casa. Este foi o caso de Francesca, filla de Giulio Caccini, un compositor italiano e Lucia di Filippo Gagnolandi, unha cantante, tamén italiana. De feito, a súa carreira comezou con actuacións en familia, coñecidas como o "Concerto Caccini", que máis adiante deixaría para continuar en solitario, co que tería moitísimo éxito.

Dos seus derradeiros anos de vida pouco se sabe. Existen documentos nos que aparece unha Francesca Caccini, muller dun senador, morta en 1640; mentres que outras fontes datan a súa morte en 1630.

Obras[editar | editar a fonte]

Francesca escribiu cinco óperas, das cales catro se perderon (soamente sobreviviu "La liberazione di Ruggiero[1]", a primeira ópera italiana representada fóra das súas fronteiras). Igualmente, compuxo obras relixiosas, seculares, vocais e instrumentais. A única colección que perdura é unha publicación de 1618, "II primo libro delle musiche[2]". Ela escribía claramente para a súa propia voz e a súa capacidade.

  1. Rudi Nuzzolese (2013-07-29). "Francesca Caccini 1/2 'La liberazione di Ruggiero dall'isola d'Alcina' (1996) Pro Musica Camerata". Consultado o 2019-04-23. 
  2. Henriette Feith & David Van Ooijen - Topic (2015-07-02). "O, Che Nuovo Stupor". Consultado o 2019-04-23. 

-CPG