Francesc Homs
| Francesc Homs | |
|---|---|
 | |
| Nacemento | 5 de setembro de 1969 |
| Lugar de nacemento | Vic |
| Nacionalidade | España |
| Alma máter | Universidade Autónoma de Barcelona |
| Ocupación | político e avogado |
| Irmáns | Mercè Homs i Molist |
| Na rede | |
  | |
| [ editar datos en Wikidata ] | |
Francesc Homs i Molist, nado en Vic, o 5 de setembro de 1969, é un político catalán.
Traxectoria[editar | editar a fonte]
Licenciado en dereito pola Universidade Autónoma de Barcelona, estivo na Federació Nacional d'Estudiants de Catalunya (FNEC) e foi membro da xunta de goberno e do claustro da UAB. Militante de Convergència Democràtica de Catalunya (CDC) desde 1993, pertence á súa Executiva Nacional é á Permanente. Tamén foi membro do Consello Executivo Nacional de CiU e o coordinador do programa electoral de Convergència i Unió (CiU) nas eleccións ao Parlamento de Cataluña de 2003 e 2010 mais relator do Estatut de 2006. Entre 1996 e 2003 foi director xeral de Asuntos Interdepartamentais do Departamento da Presidencia e membro da Comisión Executiva do Consello Económico e Social de Cataluña (CTESC). Deputado electo no Parlamento de Cataluña nas eleccións de 2003, 2006 e 2010.[1]
Foi secretario xeral da Presidencia e voceiro da Generalitat de Cataluña desde o 29 de decembro de 2010 ata o 27 de decembro de 2012, ao nomealo o presidente Artur Mas conselleiro da Presidencia e voceiro do seu goberno.
Publibou dous libros: Catalunya a judici (Ara Llibres, 2008) e Dret a decidir. Estació concert (Editorial Base, 2010). Foi tamén membro do consell asesor da Fundació Centre d'Estudis Jordi Pujol.
Notas[editar | editar a fonte]
- ↑ Diputats del Parlament de Catalunya en la VII Legislatura Arquivado 24 de setembro de 2015 en Wayback Machine. p. 160
