Fractura do cadril
| Fractura do cadril | |
|---|---|
 Radiografía do cadril onde se evidencia unha fractura. | |
| Subclase de | fractura de óso, lesão na anca (pt)  e Fratura femoral (pt)  |
| Localización anatómica | upper extremity of femur (en) |
| Localización anatómica | upper extremity of femur (en) |
| Identificadores | |
| MeSH | D006620 |
| Thesaurus do NCI | C26794 |
| WordLift | data.medicalrecords.com… |
| CIAP-2 | L75 |
 | |
A fractura da cadeira[1], ou fractura do cadril, é unha fractura ósea que se produce na parte superior do fémur, denominada fémur proximal. Os síntomas máis comúns son a dor na rexión do cadril, que empeora co movemento e o acurtamento dunha das pernas. A persoas que se fracturan o cadril normalmente non poden deambular.
A causa máis común son as caídas desde a propia altura do paciente[2]. Os factores de risco inclúen osteoporose, tomar unha gran cantidade de medicamentos (coma bifosfonatos), beber alcohol e cancro metastásico[3]. O diagnóstico adoita confirmarse mediante radiografía. Nalgúns casos pódese complementar con resonancia magnética, tomografía computarizada ou gammagrafía ósea.
O alivio da dor pódese conseguir administrando analxésicos, opiáceos ou bloqueos nerviosos periféricos. Nos casos en que a saúde da persoa o permite, xeralmente recoméndase a cirurxía nun prazo preferente de dous días. As opcións cirúrxicas inclúen a substitución de cadeira ou a fixación de parafusos para estabilizar a fractura. Despois da cirurxía, recoméndase administrar medicamentos para previr a trombose.
As fracturas de cadeira son máis comúns nas persoas maiores, especialmente as que padecen osteoporose. A condición afecta a máis mulleres que homes. Ao redor do 15% das mulleres fracturarase a cadeira nalgún momento da súa vida. Nas persoas maiores, o risco de morte no ano seguinte a unha fractura é dun 20%[4].
Tipos de fracturas do cadril
[editar | editar a fonte]
En función da parte do óso fracturada, establécese unha clasificación nas fracturas do cadril[5].
- Intracapsulares: a fractura prodúcese dentro da cápsula articular da cadeira. Dentro das fracturas intracapsulares, atópanse:
- Fracturas da cabeza femoral.
- Fracturas do colo femoral ou cervicais. En función da parte do colo femoral onde se localice, subclasifícanse en subcapital, transcervical ou basicervical.
- Extracapsulares: a fractura prodúcese fóra da cápsula articular. Divídense, á súa vez, en:
- Intertracantéreas
- Pertrocantéreas
- Subtrocantéreas
Tratamento
[editar | editar a fonte]O tratamento da fractura do cadril descansa en tres piares: o tratamento definitivo mediante cirurxía, o tratamento dos síntomas, como a dor; e a prevención de complicacións, como as úlceras, as infeccións ou as embolias venosas.
Cirurxía
[editar | editar a fonte]
A operación para solucionar a fractura de cadril é complexa de depende do tipo de fractura. Idealmente, se as condicións do doente o permiten, cómpre operar a fractura antes das 48 horas desde o inicio da fractura. Pasado este prazo, aumentan as complicacións e a mortalidade asociada a esta doenza.
En función do tipo de fractura, a intervención cirúrxica abrangue a redución da fractura e a súa fixación, na que se pode incluír: os enclavados endomedulares, tanto curtos coma longos; as próteses, ben sexan parciais ou totais; parafusos caulados ou placas.
Rehabilitación
[editar | editar a fonte]Existen evidencias de que a rehabilitación mellora a recuperación funcional nos doentes afectos de fractura do cadril. O 40% dos individuos con fracturas de cadeira tamén son diagnosticados con demencia ou deterioración cognitivo leve que adoita producir resultados poscirúrxicos peores. Nestes casos demostrouse que os modelos de rehabilitación e coidados avanzados teñen efectos positivos limitados na redución do delirio e a duración da estancia hospitalaria. Non está claro se o uso de esteroides anabolizantes afectan a recuperación.
Notas
[editar | editar a fonte]- ↑ En galego, acéptanse tanto os termos cadeira, cadril ou anca para se referir á parte do corpo onde a perna remata no tronco.
- ↑ Fitgerald, Robert H. (2004). Ortopedia. Editorial Médica Panamericana S.A. p. 391. ISBN 9500607913.
- ↑ Muñoz G., Sebastián; Lavanderos F., Jorge; Vilches A., Loreto; Delgado M., Miguel; Cárcamo H., Karina; Passalaqua H., Stephania; Guarda M., Mauricio (2008). "Fractura de cadera" (PDF). Cuadernos de Cirugía 22 (1): 73–81. doi:10.4206/cuad.cir.2008.v22n1-11.
- ↑ González-Montalvo, Juan Ignacio; Alarcón, Teresa; Hormigo Sánchez, Ana Isabel (2011-09). "¿Por qué fallecen los pacientes con fractura de cadera?". Medicina Clínica (en castelán) 137 (8): 355–360. doi:10.1016/j.medcli.2010.07.005.
- ↑ Brady, Owen H.; Garbuz, Donald S.; Masri, Bassam A.; Duncan, Clive P. (1999-04). "CLASSIFICATION OF THE HIP". Orthopedic Clinics of North America (en inglés) 30 (2): 215–220. doi:10.1016/S0030-5898(05)70076-6.
