Forzas Armadas de España

Forzas Armadas de España
Instancia de forzas armadas  Parte de Ministerio de Defensa de España  Composto por Exército de Terra de España Garda Real Corpos Comuns das Forças Armadas da Espanha (pt) Unidade Militar de Urxencias Armada Española Exército do Aire e do Espazo de España Garda Civil
Implicados  Comandado por monarca de España
Organizacións  Órgano de prensa Boletín Oficial do Ministerio de Defensa
Cronoloxía  Substitúe Forzas Armadas Españolas (1939 - 1975)
Localización  Sede Madrid  País España
Identificadores VIAF 245955472 Freebase /m/0b7f9_
Fontes e ligazóns  Páxina WEB reclutamiento.defensa.gob.es
Wikidata C:Commons

As Forzas Armadas de España (FFAA ou FAS) son unha organización de carácter oficial encargada da defensa nacional de España. O mando supremo corresponde ao rei de España, Filipe VI, segundo o artigo 62 da Constitución. A ministra de Defensa é Margarita Robles (PSOE) e o xefe do Estado Maior da Defensa (habitualmente denominado como JEMAD) é o almirante xeneral Teodoro Esteban López Calderón. As Forzas Armadas son membros activos da OTAN, do Eurocorpo e dos Grupos de combate da Unión Europea.

De acordo co artigo 8 da Constitución Española, as Forzas Armadas divídense en:

• Exército de Terra.
• Armada.
• Exército do Aire.

Ademais, existen dúas unidades formadas por membros dos tres exércitos: a Garda Real e a Unidade Militar de Urxencias. A Garda Civil, integrada na estrutura do Ministerio do Interior, é un Instituto Armado, un corpo de natureza militar e adscríbese funcionalmente ao Ministerio de Defensa en caso de estado de sitio ou de guerra, ademais de poder actuar como policía militar en misións no exterior.

A 1 de xaneiro de 2021 as Forzas Armadas españolas dispoñían de 133.282 efectivos militares.

Actualidade

España nestes momentos ten varias misións activas no estranxeiro: no Líbano con 1.070 efectivos e en Afganistán con 1290 efectivos. En decembro de 2006, o Goberno de España acordou manter en 7.000 o número máximo de soldados despregados.

As Forzas Armadas Españolas contaban a comezos de 2010 cun número aproximado de 135.000 militares en activo (47.500 militares de carreira, 1.500 de complemento e ao redor de 86.000 soldados de tropa e mariñeiría), así como 10.000 reservistas voluntarios.

España pertence á OTAN desde 1982 e ratificouno en referendo en 1986. As condicións foron a redución de bases aéreas e militares estadounidenses situadas en España desde 1953, ano en que se asinasen os primeiros acordos cos Estados Unidos desde a segunda guerra mundial, e a non integración no aparello militar da Alianza Atlántica. Ambas seguen sen cumprirse. Desde a chegada da democracia, o contacto directo con nacións democráticas, a progresiva introdución de España nos asuntos internacionais, a profesionalización do Exército de Terra, a Armada e o Exército do Aire, xunto co esforzo económico realizado, fixeron que as forzas armadas españolas melloren considerablemente.^{[Cómpre referencia]}

Misións no estranxeiro

As Forzas Armadas Españolas teñen uns 2.600 soldados despregados^[cando?] nas catro misións de paz activas que hai no estranxeiro:^{[Cómpre referencia]}

Despregadura española como parte da ISAF en Afganistán

• Afganistán: ISAF, misión da OTAN para dar apoio á operación Liberdade Duradeira.
• Líbano: FINUL, misión da ONU.
• Chad. Misión da ONU para Darfur no Sudán, en 2008.
• Djibuti: en 2009.

Véxase tamén

Ligazóns externas

• Ministerio de Defensa de España (en castelán)