O Arquivo do Reino de Galicia foi creado pola Real Cédula do 22 de outubro de 1775 polo rei Carlos III. O seu orixe vai mais atrás no tempo, como o resultado da actividade da Real Audiencia de Galicia creada polos Reis Católicos e a necesidade de custodiar a documentación que xerase. Deste xeito as súas orixes datan da Real Cédula emitida polo rei Carlos I o 3 de febreiro de 1529 e nunha Real Provisión do mesmo monarca e a súa nai, a raíña Xoana I, do 1 de marzo de 1543.

Este fondo orixinal foi aumentando desde mediados do século XIX con diversos conxuntos documentais, tanto públicos como documentais, conformando na actualidade máis de 250 fondos diferentes con mais de 130.000 unidades documentais soltas, cunha ampla cronoloxía que ven desde o ano 867 ata os nosos días.