Fernando Núñez del Cañal
| Fernando Núñez del Cañal | |
|---|---|
| Nacemento | 1813 |
| Lugar de nacemento | Veiga |
| Falecemento | 2 de abril de 1894 |
| Lugar de falecemento | Santiago de Compostela |
| Nacionalidade | España |
| Ocupación | avogado e político |
| Fillos | Benito Núñez Forcelledo |
| [ editar datos en Wikidata ] | |
Fernando Núñez del Cañal Teijeiro, nado en Veiga (Chantada) en 1813 e finado en Santiago de Compostela o 2 de abril de 1894,[1] foi un avogado e político galego.
Traxectoria[editar | editar a fonte]
Fillo do propietario lugués nado en Cando Fernando Núñez Teigeiro e da sierense Antonia Roces Cañal, foi avogado eclesiástico e civil. No Reinado de Isabel II foi alcalde-correxidor de Santiago de Compostela na Década Moderada, do 23 de agosto de 1851 ao 14 de marzo de 1853. Foi o derradeiro correxidor de Santiago de Compostela, pois o Real Decreto de 4 de maio de 1853 eliminou a alcaldía-correximento de Santiago. Volveu ser alcalde de Santiago de Compostela no Bienio Moderado dende o 1 de xaneiro de 1863 ao 23 de outubro de 1864.
Vida persoal[editar | editar a fonte]
Casou con Nemesia Forcelledo Tuero (que finou en 1892),[2] irmá de Benito Forcelledo Tuero, e foi pai, entre outros, de Luís e Benito Núñez del Cañal Forcelledo.