Fernando Lugo

Na Galipedia, a Wikipedia en galego.
Saltar ata a navegación Saltar á procura
Fernando Lugo
Fernando Lugo Mendez Py (Copyred).jpg
Nome completoFernando Armindo Lugo
Nacemento30 de maio de 1951
 San Pedro del Paraná
NacionalidadeParaguai
RelixiónIgrexa católica
Educado enUniversidade Católica de Nossa Senhora de Assunção
Ocupaciónpolítico, sociólogo, clérigo e sacerdote católico
PremiosOrdem Nacional do Mérito
Firma de Fernando Lugo.png
editar datos en Wikidata ]
Fernando Lugo.

Fernando Lugo, nado en San Solano (Paraguai) o 30 de maio de 1951, é un político paraguaio e bispo da Igrexa católica.

Membro da Alianza Patriótica para o Cambio, foi elixido presidente da República do Paraguai o 20 de abril de 2008, co 40,8 % dos votos fronte ao 30,8 % de sufraxios obtidos pola súa principal rival, Blanca Ovelar, da Asociación Nacional Republicana, máis coñecido como Partido Colorado, poñéndolle fin deste xeito a 61 anos de goberno Colorado[1].

Na altura de se presentar ás eleccións, solicitou da Santa Sé o ser reducido ao estado laico, pero foille negado; por contra, a Santa Sé reaccionou suspendéndoo.[2]

Traxectoria[editar | editar a fonte]

Orixes familiares[editar | editar a fonte]

Este antigo estudante de Socioloxía, durante certo tempo mestre de escola, naceu nunha familia pobre de departamento de Itapúa, na fronteira con Arxentina. Seu tío, Epifanio Méndez Fleitas, grande intelectual, foi un opositor histórico contra o xeneral ditador Alfredo Stroessner (1954-1989). É o máis novo dos seis irmáns dunha familia perseguida baixo aquela ditadura. Seu pai foi encarcerado e torturado, o mesmo que tres dos seus irmáns, que tiveron que se exiliar durante máis de vinte anos.

Vida relixiosa[editar | editar a fonte]

Aos 19 anos, con gran dó de seu pai, escolleu ingresar no seminario, en 1971, na comunidade da Misioneiros do Verbo Divino, integrado na Universidade católica de Nosa Señora da Asunción, de Asunción. a capital do país, na que obtivo a licenciatura en Teoloxía. Foi ordenado sacerdote o 15 de agosto de 1977. Como misioneiro, marchou de seguido para Ecuador, traballando alí na provincia de Bolívar até 1982, en contacto con as capas máis desfavorecidas da sociedade. Tal experiencia válelle na actualidade o sobrenome de « bispo dos pobres ».

Expulsado do Paraguai polo réxime de Stroessner, porque os seus sermóns eran cualificados de subversivos polas autoridades ditatoriais, estivo catro anos exiliado en Roma, onde en 1983 estuda Socioloxía (obtendo a licenciatura na carreira, con especialización na doutrina social da Igrexa) e Teoloxía na Universidade Pontificia Gregoriana. Antes de regresar ao seu país, o 17 de abril de 1994, foi nomeado bispo de San Pedro de Ycuamandyyú, na rexión máis pobre do país.

En decembro de 2006, renuncia ao cargo de arcebispo, incompatíbel con a súa militancia política[3]. En consecuencia foi declarado suspenso a divinis polo Vaticano en febreiro de 2007[4]. Conserva, porén, a súa cualidade de bispo consagrado.

Vida política[editar | editar a fonte]

Lugo revelouse á escena política en marzo de 2006, cando en Asunción se puxo á cabeza dunha manifestación para protestar contra Nicanor Duarte, presidente da República en exercicio, que quería presentarse para un segundo mandato, acción prohibida pola Constitución do país.

Tal militancia política levou á ruptura con a xerarquía católica, ao prohibir o dereito canónico o exercicio do poder temporal aos eclesiásticos. Logo de 35 anos de cargos eclesiais, renunciou ao seu arcebispado en decembro de 2006.

Os poderes exercentes tentaron entón de presentalo como un perigoso comunista, parangonándoo con o presidente boliviano, Evo Morales, ou mesmo con Hugo Chávez de Venezuela. De feito, Lugo pertence á esquerda moderada, e máis se se ten en conta a súa alianza con o partido liberal paraguaio, un partido centrista historicamente, oposto ao partido no poder, mais que non ten nada de revolucionario. Máis que de "esquerdista", Lugo prefire autocalificarse de "progresista". Declárase próximo do presidente brasileiro Lula.

O nacionalismo económico, a loita contra a corrupción e a reforma agraria constitúen os eixos prioritarios do seu programa.

Parece que recibiu ameazas de morte ao longo do ano 2007. En outubro, anunciouse que se presentaba sob a éxida do Partido Demócrata-cristián de centro. O escrutinio das eleccións tivo lugar en calma, e saíu elixido presidente da República o 20 de abril de 2008.

Notas[editar | editar a fonte]

  1. http://www.galiciae.com/nova/9818.html Arquivado 22 de abril de 2008 en Wayback Machine. Fernando Lugo pon fin a 61 anos de goberno conservador en Paraguai
  2. Catholic news service
  3. Ver Code de droit canonique, canon 283, § 3: "Está prohibido aos clérigos ostentar cargos públicos que comportan participación no exercicio do poder civil"; e Can. 287 - § 2: « [Os clérigos] non tomarán participación activa nos partidos políticos nin na dirección das asociacións sindicais, [...]»
  4. Paraguay: Un évêque candidat à la présidentielle « suspens a divinis »[Ligazón morta], 4 février 2007, Zenit.org