Feo Belcari

Na Galipedia, a Wikipedia en galego.
Saltar ata a navegación Saltar á procura
Feo Belcari
Belcari - Rappresentazione di san Giovanni Battista, circa 1490 - 1538432.jpg
Nacemento4 de febreiro de 1410
 Florencia
Falecemento16 de agosto de 1484
Ocupaciónpoeta e dramaturgo
editar datos en Wikidata ]

Feo Belcari, nado en Florencia en 1410 e finado en 1484, foi un poeta italiano de carácter relixioso.

Traxectoria[editar | editar a fonte]

Regola della vita spirituale, 1485

Membro da Arte della Lana ocupou diversos postos no goberno da cidade, entre eles o de prior.

As súas obras testemuñan un profundo celo relixioso, é autor de himnos, laudes, de traducións de obras de devoción en latín, mais sobre todo dunha Vita del beato Giovanni Colombini composta en 1449 e de varias sacre rappresentazioni (representacións sacras próximas ós misterios) como por exemplo Di Santo Giovanni Battista quando andò nel deserto, anterior a 1470 e Dell’Annunciazione di Nostra Donna escrita en 1471.

Non obstante, foi a Rappresentazione di Abramo e Isacco a máis célebre das súas obras, compúxoa arredor de 1440, aínda que non se representou ata 1449, a peza, despois dun exordio onde un anxo expón o argumento, segue fielmente o texto bíblico sobre o sacrificio de Isaac.