Fenway Park é un parque de béisbol situado preto da Kenmore Square en Boston, Massachussets (Estados Unidos). Desde 1912 é o estadio local dos Boston Red Sox, franquía da Liga Americana da Major League Baseball (MLB), sendo o máis antigo da competición.[1] Entre 1914 e 1915 tamén foi o estadio local dos Boston Braves, actuais Atlanta Braves. Debido á súa antigüidade e a súa situación no denso barrio de Fenway–Kenmore, o parque foi renovado ou ampliado en múltiples ocasións. É, porén, un dos recintos con mmenor capacidade de espectadores da competición e un dos únicos oito que poden albergar menos de 40.000.
Boston 
