Felix Baumgartner

Na Galipedia, a Wikipedia en galego.
Infotaula de personaFelix Baumgartner

Editar o valor em Wikidata
Biografía
Nacemento20 de abril de 1969 Editar o valor em Wikidata (55 anos)
Salzburgo, Austria
Datos persoais
País de nacionalidadeAustria Editar o valor em Wikidata
Actividade
Campo de traballoParacaidismo Editar o valor em Wikidata
Ocupaciónparaquedista (pt) Traducir , boxeador , piloto de automobilismo , militar , especialista de cinema Editar o valor em Wikidata
LinguaLingua inglesa e lingua alemá Editar o valor em Wikidata
DeporteBoxeo Editar o valor em Wikidata
PatrocinadorRed Bull GmbH (pt) Traducir Editar o valor em Wikidata
Familia
ParellaMihaela Rădulescu Editar o valor em Wikidata
Premios
Páxina webFelixBaumgartner.com
IMDB: nm1038775 Twitter: felix24hours Editar o valor em Wikidata
Félix Baumgartner, Red Bull Stratos, Hangar 7 (Ank Kumar, Infosys Limited)
Felix Baumgartner, Red Bull Stratos, Hangar 7 (Ank Kumar, Infosys Limited)

Felix Baumgartner, nado en Salzburgo, Austria o 20 de abril de 1969 é un exparacaidista militar e saltador BASE austríaco.[1] É coñecido polas manobras especialmente perigosas que realizou durante a súa carreira. Baumgartner pasou algún tempo no exército austríaco, onde fixo paracaidismo, incluíndo adestramento de aterraxe en zonas pequenas.

O 14 de outubro de 2012 bateu tres récords históricos ao lanzarse en caída libre desde 38.969,3 metros de altura, despois de ter ascendido á estratosfera nun globo tripulado, alcanzando unha velocidade máxima de 1.357,64 km/h.[2][3] [4]

O récord de altura bateuno despois o vicepresidente de Google, Alan Eustace, de 57 anos, o 24 de outubro de 2014, saltando desde os 41.425 metros. Alcanzou unha velocidade máxima de 1.322 km/h, rompendo a barreira do son, aínda que non superou a velocidade récord de Baumgartner.[5]

Traxectoria[editar | editar a fonte]

Homenaxe a Baumgartner en Viena.

Baumgartner deu o seu primeiro salto aos 16 anos e perfeccionou as súas habilidades de paracaídas como membro do equipo de forzas especiais do exército austríaco. En 1999 mantivo o récord do salto máis alto dun edificio cando saltou desde as Torres Xemelgas Petronas en Kuala Lumpur, Malaisia.[6]

O 31 de xullo de 2003, Baumgartner converteuse na primeira persoa en cruzar a Canle da Mancha en caída libre utilizando unha á de fibra feita a medida.[7] Baumgartner estableceu o récord mundial de salto BASE máis baixo da historia da man do Cristo Redentor en Río de Xaneiro. Foi a primeira persoa en salto BASE desde o viaduto de Millau en Francia o 27 de xuño de 2004 e a primeira en paracaidismo desde el e tamén salto no edificio Turning Torso en Malmö, Suecia.[8]

O 12 de decembro de 2007, converteuse na primeira persoa en saltar desde a plataforma de observación do piso 91 (aproximadamente 390 metres (1 280 ft) ) do edificio máis alto construído no mundo nesa data: o Taipei 101 en Taipei, Taiwán.[9]

Red Bull Stratos[editar | editar a fonte]

Artigo principal: Red Bull Stratos.
Homenaxe a Felix Baumgartner.

En xaneiro de 2010, informouse de que Baumgartner estaba a traballar cun equipo de científicos e a marca Red Bull para lograr o salto máis alto xamais realizado.[10] Baumgartner ía realizar un salto de 120 000 feet (36 600 m) dunha cápsula suspendida dun globo estratosférico inflado con helio cunhas paredes de só 0,02 mm de espesor, tentando converterse no primeiro paracaidista en romper a barreira do son; a fazaña estaba programada para 2011.[11] [12] [13] Joseph Kittinger, quen ten o récord de tempo de caída libre máis longo -un récord que Baumgartner quería romper pero non puido- aconsellou a Baumgartner durante a misión Stratos.[14] Con esta misión esperábase obter mellores datos científicos para a próxima xeración de traxes de presión.[10] [15] En calquera caso, o 12 de outubro de 2010, Red Bull anunciou que suspendería o proxecto despois de que Daniel Hogan presentase unha demanda no Tribunal Superior de California, nos Ánxeles, durante o mes de abril do mesmo ano, alegando que ser o creador da idea do salto ao bordo do espazo en 2004, e que Red Bull roubara a súa idea.[16] [17] A demanda foi resolta fóra dos tribunais en xuño de 2011[18] e o 5 de febreiro de 2012, The Daily Telegraph informou de que o proxecto se retomou.[19]

O 15 de marzo de 2012, completouse o primeiro dos dous saltos de proba de máis de 21000 metros [ 71 581 feet (21 818 m)]. Durante o salto, Félix pasou aproximadamente 3:43 minutos en caída libre, alcanzando velocidades de máis de 580 km/h (360 millas por hora) antes de abrir o paracaídas. En total, o salto durou aproximadamente oito minutos e oito segundos, e Baumgartner converteuse na terceira persoa en saltar desde un paracaídas desde máis de 21 quilómetros de altura [ 13,5 miles (21,7 km)] sen danos.[20]

O 25 de xullo de 2012, Baumgartner completou o segundo dos dous saltos de proba previstos, a 29.460 m de alto. A cápsula, levantada por un globo de helio, tardou 90 minutos en alcanzar a altitude prevista e calcúlase que a súa caída libre durou 3:48 minutos, antes de despregar os seus paracaídas, a velocidade alcanzada foi de 1.342,8. km/h.[21]

Logros[editar | editar a fonte]

O 14 de outubro de 2012, Baumgartner despegou de Roswell (Novo México), para ascender até os 39.068 metros, altura desde a que fixo unha caída libre. Este feito deulle dous rexistros históricos: [3] [4]

  • Primeiro ser humano que rompe a barreira do son, sen apoio mecánico e en caída libre. Os cálculos concluíron que o paracaidista austríaco rompeu a barreira do son durante os primeiros 40 segundos da caída, alcanzando uns 1.342,8 km/h, pero non superou os 1.173 km/h.[22]
  • Mantivo o récord de salto libre máis alto, até que Alan Eustace (VP de Google) bateu o récord saltando desde os 41.150 metros.

Vida persoal[editar | editar a fonte]

En outubro de 2012, cando Baumgartner foi preguntado nunha entrevista co xornal austríaco Kleine Zeitung se unha carreira política era unha opción para a súa vida futura, afirmou que o "exemplo de Arnold Schwarzenegger "amosou que non se pode mover nada nunha democracia" e que optaría por unha "ditadura moderada [...] liderada por personalidades experimentadas procedentes do (sector) da economía privada". Porén, Schwarzenegger defendeu repetidamente o valor das democracias fronte ás ditaduras.[23] Finalmente, Baumgartner afirmou que "non quería involucrarse na política".[2][24]

O 6 de novembro de 2012, Baumgartner foi condenado por e multado con 1.500 euros tras darlle unha labazada a un camioneiro grego, tras unha breve discusión entre os dous.[25][26]

En xaneiro de 2016, Baumgartner provocou un rebumbio de novas críticas no seu país despois de publicar varios comentarios críticos contra os refuxiados e recomendar ao primeiro ministro húngaro Viktor Orban para o Premio Nobel da Paz.[27] Máis tarde, Baumgartner apoiou ao candidato presidencial do populista de dereitas Partido da Liberdade de Austria, Norbert Hofer.[28] O 13 de xullo de 2016, Facebook eliminou a súa páxina de fans de 1,5 millóns de fans. Posteriormente, Baumgartner afirmou que debeu volverse "demasiado incómodo" para as "élites políticas".

Despois de que as autoridades austríacas se negasen a conceder bonificacións fiscais deportivas a Baumgartner, trasladouse a Arbon, Suíza, despois de que a súa casa en Salzburgo e o seu helicóptero foron incautados.[29]

Baumgartner tivo unha relación coa playmate alemá de Playboy Gitta Saxx. Máis tarde estivo comprometido con Nicole Öttl, modelo e antiga raíña de beleza (Miss Baixa Austria 2006); separáronse en 2013.[29] Desde 2014, mantén unha relación coa presentadora de televisión romanesa Mihaela Rădulescu.[30]

Notas[editar | editar a fonte]

  1. ↑ "Felix Baumgartner". redbull.co.uk. Consultado o 23 de marzo de 2012. 
  2. ↑ 2,0 2,1 "Felix Baumgartner: um ano após o salto histórico". www.dn.pt (en portugués). Consultado o 2023-04-10. 
  3. ↑ 3,0 3,1 "Claves del salto estratosférico de Felix Baumgartner". 20minutos.es. 14 de outubro de 2012. Consultado o 14 de outubro de 2012. 
  4. ↑ 4,0 4,1 "Felix Baumgartner, el extraterrestre de Roswell". 20minutos.es. 14 de outubro de 2012. Consultado o 14 de outubro de 2012. 
  5. ↑ Iglesias, Denís (2022-10-14). "Baumgartner, o "tolo" que saltou ao baleiro desde o espazo: "Dicían que era un superheroe e non era así"". Faro de Vigo. Consultado o 2023-04-10. 
  6. ↑ "Archive: 1999". felixbaumgartner.com. Arquivado dende o orixinal o 12 de febrero de 2012. Consultado o 23 de marzo de 2012. 
  7. ↑ "Birdman Flies Atair Parachutes Across English Channel". atairaerospace.com. Atair Aerospace. 21 de novembro de 2003. Arquivado dende o orixinal o 7 de xullo de 2011. Consultado o 18 de maio de 2010. 
  8. ↑ "Pr-jippo kan sluta med åtal". 18 de agosto de 2006. Arquivado dende o orixinal o 13 de decembro de 2012. Consultado o 5 de decembro de 2010. 
  9. ↑ "Extreme Felix Baumgartner jumping off Taipei 101". YouTube. Consultado o 18 de mayo de 2010. 
  10. ↑ 10,0 10,1 Charles Q Choi (22 de xaneiro de 2010). "'Space diver' to attempt first supersonic freefall". New Scientist. Consultado o 29 de xaneiro de 2010. 
  11. ↑ "Man to Break Sound Barrier Jumping from Edge of Space" (en inglés). Gizmodo.com. Consultado o 18 de maio de 2010. 
  12. ↑ Tony Paterson (25 de xaneiro de 2010). "Faster than the speed of sound: the man who falls to earth". Londres: The Independent. Consultado o 29 de xaneiro de 2010. 
  13. ↑ Quain, John R. (11 de abril de 2010). "Daredevil to Plunge From Outer Space in Supersonic Suit". FOXNews.com. Consultado o 18 de maio de 2010. 
  14. ↑ "Joseph Kittinger, el hombre que inspiró el salto de Baumgartner" (en castelán). Arquivado dende o orixinal o 1 de febreiro de 2014. Consultado o 20 de outubro de 2012. 
  15. ↑ John Tierney (15 de marzo de 2010). "A Supersonic Jump, From 23 Miles in the Air". New York Times. Consultado o 17 de marzo de 2010. 
  16. ↑ Pasztor, Andy (12 de outubro de 2010). "Lawsuit Grounds Red Bull". The Wall Street Journal (en inglés). 
  17. ↑ "Statement regarding Red Bull Stratos". Arquivado dende o orixinal o 13 de decembro de 2010. Consultado o 5 de decembro de 2010. 
  18. ↑ "Official statement on closing of legal case". Red Bull Stratos press release. 30 de xuño de 2011. Arquivado dende o orixinal o 27 de decembro de 2011. 
  19. ↑ "Sky diver to break sound barrier with jump from edge of space". The Daily Telegraph. 5 de febreiro de 2012. 
  20. ↑ Dunn, Marcia (15 de marzo de 2012). "Skydiver jumps 13.6 miles on path to world's highest jump". The Christian Science Monitor. Consultado o 15 de marzo de 2012. 
  21. ↑ "Paracaidista saltó desde 29 kilómetros de altura". 26 de xullo de 2012. Consultado o 2 de decembro de 2012. 
  22. ↑ "The Mission". www.redbull.com (en inglés). Consultado o 2023-04-10. 
  23. ↑ "Arnold-Schwarzenegger-says-Trump's-Presidency-is-a-little-hiccup-for-America". news.com.au (en inglés). 
  24. ↑ Petridis, Alexis (2012-11-01). "Space jumper Felix Baumgartner parachutes into politics". The Guardian (en inglés). ISSN 0261-3077. Consultado o 2023-04-10. 
  25. ↑ "Felix Baumgartner: Ohrfeige ist "angemessene..." (en alemán). 24 de xullo de 2013. Consultado o 24 de xullo de 2013. 
  26. ↑ "Körperverletzung: Felix Baumgartner schuldig". salzburg.orf.at (en alemán). 2012-11-06. Consultado o 2023-04-10. 
  27. ↑ "Jan-Boehmermann-will-Til-Schweiger-auf-Felix-Baumgartner-hetzen". Derstandard.at (en alemán). Consultado o 27 de setembro de 2016. 
  28. ↑ "Felix Baumgartner ruft zur Wahl von Hofer auf". krone.at (en alemán). 26 de abril ; 20 de setembro de 2016. 
  29. ↑ 29,0 29,1 "Sein tiefster Fall". Die Zeit (en alemán). 14 de novembro de 2013. 
  30. ↑ Luciano, C. (2015-01-06). "Meet Mihaela Radulescu, Felix Baumgartner's Girlfriend". Everything Mixed (en inglés). Consultado o 2023-04-10. 

Véxase tamén[editar | editar a fonte]

Outros artigos[editar | editar a fonte]

  • Michel Fournier, paracaidista en salto libre.
  • Joseph Kittinger, antigo posuidor do récord mundial de paracaidismo.
  • Yves Rossy, o primeiro home en cruzar a Canle da Mancha usando un jet-wing motorizado.
  • Evgeny Andreev, antigo posuidor do récord mundial de salto da FAI; aínda mantén o récord de atraso de apertura en 4'30".
Traído desde «https://gl.wikipedia.org/w/index.php?title=Felix_Baumgartner&oldid=6658216»