Felicitas Casabella Fernández
| Felicitas Casabella Fernández | |
|---|---|
| Nacemento | valor descoñecido |
| Ourol | |
| Falecemento | 16 de abril de 1938 |
| O Candedo | |
| Nacionalidade | España |
| Ocupación | labrega |
| Irmáns | María Josefa Casabella Fernández |
| [ editar datos en Wikidata ] | |
Felicitas Casabella Fernández, nada en Ourol e finada no mesmo concello o 16 de abril de 1938, foi unha labrega galega.
Traxectoria[editar | editar a fonte]
Na súa casa do Candedo refuxiábase o fuxido Alejandro Temblás Paz. O 16 de abril de 1938 foi recoñecido e denunciado e un grupo de falanxistas e gardas civís rodean a casa para detelo. Alejandro logrou escapar do cerco saltando por unha fiestra, pero Felicitas morreu polas balas ou pola metralla das granadas. A súa irmá María Josefa Casabella Fernández e a súa filla Encarna Casabella Fernández, de trece anos de idade, saíron a aira co compromiso dos falanxistas de respectar as súas vidas, pero foron asasinadas na porta da casa. Os falanxistas queimaron a vivenda e mataron o gando e logo festexaron a orxía de sangue ceando uns cabritos confiscados na casa nunha taberna próxima.
