Febre de Oropouche

Febre de Oropouche
Aviso médico. Atención! Wikipedia non dá consellos médicos. Se cre que pode requirir tratamento, consúltello ao médico.
Diversos dípteros son os principais vectores que transmiten o virus Oropouche aos humanos
Instancia de clase de doenza  Subclase de infección vírica Bunyaviridae infectious disease (en) doenza  Epónimo Oropuche River (en)  Causado por Oropouche virus
Características
Especialidade médica infectoloxía
Síntomas artralxia arrepío vómito febre
Tratamentos posibles supportive care (en)
Exames médicos viral culture (en) ELISA neutralización reacción en cadea da polimerase
Proceso de transmisión insect borne transmission (en) Culicoides transmisión por mosquito
Códigos e identificadores Freebase /m/076x9b CIE-11 693244560 CIE-9 065 KEGG H02163
Wikidata

A febre de Oropouche é unha enfermidade viral tropical causada polo virus Oropouche orthobunyavirus (OROV), un arbovirus do xénero Orthobunyavirus da familia Peribunyaviridae. É endémico na América Central e do Sur, con surtos tamén en partes do Brasil e outros países da rexión.

Epidemioloxía

Foi descuberto por primeira vez en 1955 preto do río Oropouche en Trinidad e Tobago. As variacións na escrita, como "ourupuche" e "orepuche", débense a diferenzas fonéticas e ortográficas entre as linguas e dialectos da rexión onde se atopa a enfermidade, pero todas se refiren ao mesmo virus e condición.

A enfermidade foi detectada en varios estados do norte do Brasil en 2023 e pode converterse nun problema serio de saúde pública en calquera momento.

A Organización Panamericana da Saúde emitiu un alerta epidemiolóxico en febreiro de 2024 debido ao aumento na detección de casos na rexión da Amazonia brasileira e peruana. En maio e xuño de 2024 houbo unha epidemia do virus en Cuba.

Casos en Galiza

En 2024, detectouse por primeira vez un caso de febre de Oropouche en Galiza, importado de Cuba. A pesar de que o vector principal, o mosquito Culicoides paraensis, non se atopa en Europa, non se descarta a posibilidade de que outras especies poidan actuar como vectores.

Transmisión

A transmisión ocorre en dous ciclos: un silvestre, candodípteros, como mosquiñas e mosquitos pican do sangue de macacos e preguiceiros, e un urbano, afectando principalmente aos humanos. Os principais vectores son Aedes serratus e Coquillettidia venezuelensis para o ciclo silvestre, e Culicoides paraensis para o ciclo urbano.

Síntomas

Os síntomas inclúen febre alta (entre 38 e 39.5 °C), dor de cabeza, calafríos, dor muscular e nas articulacións, vómitos e náuseas, e son semellantes aos do dengue, chikungunya e zika, pero sen casos graves reportados até o momento. En casos graves, pode haber hemorraxias excesivas e o sistema nervioso central pode verse afectado, con inflamación do encéfalo e das meninxes.

Tratamento e prevención

Non existe un tratamento específico; o manexo é principalmente sintomático, incluíndo repouso e hidratación. Non se dispón de vacina, pero estanse realizando estudos para o seu desenvolvemento.

Véxase tamén

• Arbovirus
• Enfermidade tropical
• Epidemia
• Zoonose

Ligazóns externas

• Arbovirus no CDC
• Arbovirus en SciELO

---

Este artigo sobre medicina é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---