Faustino Gama Casalderrey
| Faustino Gama Casalderrey | |
|---|---|
| Lugar de nacemento | Lérez |
| Falecemento | 29 de decembro de 1936 |
| Lugar de falecemento | Pontevedra |
| Nacionalidade | España |
| Ocupación | político |
| Irmáns | Manuel Gama Casalderrey e Alejandro Gama Casalderrey |
| [ editar datos en Wikidata ] | |
Faustino Gama Casalderrey, nado en Lérez (Pontevedra) e finado na mesma cidade o 29 de decembro de 1936, foi un político galego.
Traxectoria[editar | editar a fonte]
Fillo de Faustino Gama. Foi un dinamizador político e un divulgador do marxismo entre a clase obreira pontevedresa dos anos trinta. Como o seu irmán Alejandro era militante do Partido Comunista de España e directivo da Federación Cultural Deportiva Obrera de España (FCDOE) en Pontevedra. Con Alejandro e Manuel Calvo tomaron parte nas milicias formadas no goberno civil e no concello ante o inminente levantamento militar. Logo do golpe de Estado do 18 de xullo de 1936 permaneceu fuxido, primeiro polos montes de Lérez e Verducido e despois en diferentes escondedoiros. A presión policial sobre a familia da súa moza, Estrella Portela, que vivía en Salcedo, fixo que volvese cara Lérez e se presentase ao médico Enrique Ballina e ao cura Leandro del Río Carnota, para que o acompañasen a entregarse ás autoridades. Presentado o 28 de decembro, ao día seguinte foi fusilado "por incurso en los bandos vigentes".
Véxase tamén[editar | editar a fonte]
Bibliografía[editar | editar a fonte]
- Álvarez Castro, Xosé (2013). "Cunetas sembradas de muerte. La represión extrajudicial en la provincia de Pontevedra" (PDF). Memòria antifranquista del Baix Llobregat (13): 15–20. Consultado o 12 de abril de 2020.
Ligazóns externas[editar | editar a fonte]
- Álvarez Castro, X. (29 de decembro de 2010). "Familias represaliadas: os Gama (1)". Pontevedra nos anos do medo.
- Faustino Gama Casalderrey na páxina web Nomes e Voces.