Fauna de Estonia
.jpg)
Estonia é un pequeno país con amplas masas forestais que se atopa no mar Báltico. Forma parte da rexión siberiana terrestre do eido paleártico, no atlántico norte temperado.[1] Fitoxeograficamente, Estonia divídese entre as rexións de Europa Central e Europa do Leste da Rexión Circumboreal dentro do Reino Holártico. Segundo o Fondo Mundial para a Natureza, o territorio de Estonia pertence á ecorrexión do bosque mixto sarmático.
A escasa poboación de Estonia e as grandes áreas de bosque permitiron a supervivencia de poboacións de lince común, xabaril, oso pardo e alce, entre outros animais.[2] Pénsase que Estonia ten unha poboación de lobos duns 200 exemplares,[3] que se considera lixeiramente por riba do intervalo óptimo de 100 a 200.[4] A avifauna de Estonia caracterízase por aves mariñas raras como o eider de Steller (Polysticta stelleri), o ganso pequeno (Anser erythropus) e o fuselo de rabo negro (Limosa limosa), paxaros de terra como a arceúcha real (Gallinago media), aves de campo seco como o rei dos paspallás (Crex crex) e o rolieiro europeo (Coracias garrulus) e grandes aves de rapina como a aguia manchada (Aquila clanga). Estonia ten cinco parques nacionais, incluíndo o Parque Nacional de Lahemaa na costa norte, que é o meirande. O Parque Nacional de Soomaa, entre Pärnu e Viljandi, é coñecido polas súas zonas húmidas. Reservas como a reserva de aves de Käina e o Parque Nacional de Matsalu (unha zona húmida de importancia internacional baixo a Convención de Ramsar) tamén son populares entre veciños e turistas e admiten unha gran variedade de aves.[5]
Vertebrados
[editar | editar a fonte]As maiores poboacións de osos atópanse no nordeste de Estonia nos condados de Ida-Viru e Lääne-Viru.[6] O número de osos, linces e lobos sufriu durante a ocupación soviética xa que eses animais foron moi perseguidos. Despois de recibir protección, o número de carnívoros máis grandes alcanzou o seu máximo a comezos da década de 1990, mais dende entón caeu lixeiramente por mor do aumento da presión da caza. En 2008, Estonia era o fogar de aproximadamente 620 osos pardos, 760 linces e 135 lobos.[7] A comezos de 2010, os grandes ungulados incluían 48.040 corzos (con respecto aos 63.000 de 2009), 11.741 alces europeos, 2.831 cervos e 22.642 xabarís.[8]
A súa avifauna inclúe aguias reais e cegoñas brancas.
Invertebrados
[editar | editar a fonte]A seguinte táboa amosa unha visión xeral do número de especies dos grupos de invertebrados seleccionados.[9]
| Grupo | Especies coñecidas | Número estimado de especies |
|---|---|---|
| Ameboides | 68 | 140 |
| Flaxelados | 89 | 200 |
| Apicomplexos | 13 | 50 |
| Cilióforos | 176 | 300 |
| Poríferos | 3 | 6 |
| Hidrozoos | 5 | 8 |
| Escifozoos | 3 | 3 |
| Turbelarios | 55 | 200 |
| Monoxeneos | 73 | 40 |
| Dixeneos | 110 | 130 |
| Nemertinos | 106 | 130 |
| Gastrótricos | 6 | 40 |
| Rotíferos | 230 | 500 |
| Nematodos | 200 | 500 |
| Nematomorfos | 1 | 5 |
| Quinorrincos | 1 | 3 |
| Acantocéfalos | 14 | 40 |
| Nemertinos | 4 | 10 |
| Priapúlidos | 1 | ? |
| Poliquetos | 6 | ? |
| Oligoquetos | 103 | 200 |
| Briozoos | 7 | 15 |
| Gasterópodos | 74 | 80 |
| Bivalvos | 62 | 70 |
| Crustáceos | 326 | 356 |
| Arácnidos | 786 | 2055 |
| Miriápodos | 38 | 50 |
| Tardígrados | 1 | 50 |
| Insectos | ~10000 | 20000-21000 |
Notas
[editar | editar a fonte]- ↑ Spalding, M.D., et al. "Marine Ecoregions of the World: A Bioregionalization of Coastal and Shelf Areas". Bioscience Vol. 57 No. 7, xullo/agosto de 2007
- ↑ "Systematic list of Estonian mammals". Arquivado dende o orixinal o 2007-11-07. Consultado o 2007-12-19.
- ↑ "Laupäeval algab hundijaht" (en estoniano). 2008-01-25. Consultado o 2008-11-24.
- ↑ (en estoniano)Keskkonnainfo: hunt Arquivado 2019-10-28 en Wayback Machine.
- ↑ Birds Of Estonia
- ↑ "status2". Arquivado dende o orixinal o 2007-10-10. Consultado o 2007-12-19.
- ↑ [1]
- ↑ [2]
- ↑ Eesti Loodus (Ed. A. Raukas), Tallinn, Valgus & Eesti Entsüklopeediakirjastus 1995
Véxase tamén
[editar | editar a fonte] |
A Galipedia ten un portal sobre: Estonia |