Fabiano, papa

Na Galipedia, a Wikipedia en galego.
Saltar para a navegação Saltar para a pesquisa
Fabiano
Saint Fabian1.jpg
Papa Fabiano
Alcume San Fabiano
Nacemento 200
  Roma
Falecemento 20 de xaneiro de 250
  Roma
Soterrado San Sebastiano fuori le mura e Basílica de San Pedro
Relixión catolicismo
Ocupación clérigo e sacerdote
Período entre os anos 236-250
Coñecido/a por ser o papa n° 20 da igrexa católica
Organización Igrexa católica
Cargos Bispo de Roma
editar datos en Wikidata ]

Fabiano, falecido en Roma o 20 de xaneiro de 250, foi o vixésimo Papa da igrexa católica, entre o ano 236 e a súa morte no 250.

Traxectoria[editar | editar a fonte]

Foi elixido papa durante as persecucións contra os cristiáns ordenadas polo emperador Decio. As extraordinarias circunstancias da súa elección foron relatadas polo historiador Eusebio de Cesarea, quen no tomo sexto da súa obra Historia da Igrexa relata como estando reunidos os electores para seleccionar ao sucesor do papa Antero, unha pomba se posou sobre Fabiano, un granxeiro laico que se encontraba en Roma accidentalmente e como simple espectador. O pobo tomou isto como un sinal milagroso de Deus, que escollía a Fabiano como o seu candidato, e inmediatamente procederon á súa ordenación como sacerdote e bispo.

Debido ao crecemento de Roma dividiu a cidade en sete distritos, poñendo a cargo de cada un deles a un diácono para o seu goberno e administración.

Consagrou a varios bispos, entre eles a San Denis de París, ao que enviou a misionar á Galia. Segundo a tradición, Fabián instituíu as catro ordes menores.

Estableceu que todos os anos o Xoves Santo fose renovado o Santo Crisma, queimándose o do ano anterior. Tamén regulou que o Santo Crisma debería prepararse con aceite mesturado con bálsamo.

Fabiano morreu mártir baixo a persecución de Decio, sendo soterrado na catacumba de San Calisto.

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.