Faa yeung nin wa

Faa yeung nin wa
Ficha técnica
Título orixinal	花樣年華
Director	Wong Kar-wai
Produtor	Wong Kar-wai
Guión	Wong Kar-wai
Intérpretes	Maggie Cheung; Tony Leung;
Música	Michael Galasso
Fotografía	Christopher Doyle; Mark Lee Ping-Bing;
Montaxe	William Chang
Estudio	Jet Tone Production; Paradis Films;
Distribuidora	Block 2 Pictures (Hong Kong); Océan Films (Francia);
Estrea	20 de maio de 200
Duración	98 minutos
Orixe	Hong Kong; Francia
Xénero	Drama e romance
Recadación	12,9 millóns de dólares
Na rede
	http://www.wkw-inthemoodforlove.com/eng/homepg/homepg.asp

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Faa yeung nin wa (en chinés: 花樣年華) é un filme de Hong Kong e Francia de 2000 escrito, producido e dirixido por Wong Kar-wai, e protagonizado por Tony Leung e Maggie Cheung. Estreouse no Festival Internacional de Cinema de Cannes de 2000 o 20 de maio,^[3] conseguindo a aclamación da crítica e un nomeamento á Palma de Ouro; Leung gañou o premio ao mellor actor (sendo o primeiro actor de Hong Kong en conseguilo). Foi escollido como candidato de Hong Kong ó Óscar ó mellor filme internacional na 73ª edición dos premios, mais finalmente non foi nomeado.^[4]

Sinopse

A acción desenvólvese en Hong Kong en 1962. Chow Mo-Wan, redactor xefe dun diario local, aluga un cuarto nun apartamento o mesmo día que Su Lizhen, secretaria dunha compañía navieira. Son veciños e por motivos de traballo as súas respectivas parellas déixanos sós durante certo tempo. A pesar de ter unha rendeira e uns veciños amigábeis, Chow e Su atópanse a miúdo sós nos seus cuartos e traban amizade.

Chow descobre que as súas respectivas parellas manteñen unha relación extramatrimonial e a partir dese día comezan a pasar máis tempo xuntos, reconfortándose o un coa presenza do outro. Segundo a súa relación se volve máis íntima e a xente comeza a darse de conta, cada un intenta persuadir o outro para que non abandone a súa parella.

Personaxes

Maggie Cheung como Su Li-zhen (Mrs. Chan)
Tony Leung como Chow Mo-wan
Siu Ping Lam como Ah Ping
Rebecca Pan como Mrs. Suen
Kelly Lai Chen como Mr. Ho
Joe Cheung como o home que vive no apartamento de Mr. Koo
Chan Man-Lei como Mr. Koo
Chin Tsi-ang como serva de Suen
Roy Cheung como Mr. Chan (voz)
Paulyn Sun como Mrs. Chow

Notas

↑ "In the Mood for Love (2000)". British Film Institute. Arquivado dende o orixinal o 11 de febreiro de 2016. Consultado o 9 de agosto de 2021.
↑ "In the Mood for Love (2001)". Box Office Mojo. Consultado o 7 de agosto de 2010.
↑ "Images – In the Mood for Love". imagesjournal.com. Consultado o 13 de marzo de 2016.
↑ Margaret Herrick Library, Academy of Motion Picture Arts and Sciences

Véxase tamén

Outros artigos

[1] "In the Mood for Love (2000)". British Film Institute. Arquivado dende o orixinal o 11 de febreiro de 2016. Consultado o 9 de agosto de 2021.

[bom-2] "In the Mood for Love (2001)". Box Office Mojo. Consultado o 7 de agosto de 2010.

[David_Ng-3] "Images – In the Mood for Love". imagesjournal.com. Consultado o 13 de marzo de 2016.

[4] Margaret Herrick Library, Academy of Motion Picture Arts and Sciences

[1]

[2]

[3]

[4]