FLTSATCOM

FLTSATCOM (acrónimo de Fleet Satellite Communications System) é o nome dunha serie de satélites de comunicacións militares dos Estados Unidos construídos por TRW para a Armada. Lanzáronse oito entre 1978 e 1989, todos desde Cabo Cañaveral, e dos cales dous fallaron. O sistema de satélites proporcionaba unha cobertura global na banda de UHF entre aeronaves, buques, submarinos, instalacións en terra e o Mando Aéreo Estratéxico. Os satélites poden dividirse en dous bloques: o primeiro, que abarca os cinco primeiros satélites, eran máis lixeiros e con menos capacidades que os do segundo bloque. Os satélites FLTSATCOM foron substituídos polos satélites UFO.^[1]

FLTSATCOM 1, 2, 3, 4 e 5 (Bloque 1)

Os satélites do primeiro bloque tiñan unha masa duns 1880 kg e unha esperanza de vida de 12 anos en órbita. Usaban 12 transpondedores en UHF e se alimentaban mediante paneis solares. Tiñan unha antena principal duns 3 m de diámetro. Os cinco foron lanzados mediante foguetes Atlas SLV-3D, co último inoperativo debido a un problema durante o lanzamento.^[2]

FLTSATCOM 6, 7 e 8 (Bloque 2)

Os satélites do segundo bloque tiñan unha maior masa, ata uns 2300 kg, unha esperanza de vida de 12 anos en órbita e tamén 12 transpondedores, así como a mesma antena de 3 metros de diámetro. Adicionalmente levaban unha antena helicoidal de case 4 m de longo. Os paneis solares lles proporcionaban ata 1200 W de potencia. A bordo levaban tamén equipamento para a banda EHF a modo de proba, para novos terminais en desenvolvemento. Os tres foron lanzados mediante foguetes Atlas G, co último inoperativo debido a un problema durante o lanzamento.^[3]

Historial de lanzamentos

Voo^[1]^[2]^[3]	Data^[1]^[2]^[3]	Carga^[1]^[2]^[3]	Resultado^[1]^[2]^[3]	Notas^[1]^[2]^[3]
1	9 de febreiro de 1978	FLTSATCOM 1	Éxito
2	4 de maio de 1979	FLTSATCOM 2	Éxito
3	18 de xaneiro de 1980	FLTSATCOM 3	Éxito
4	31 de outubro de 1980	FLTSATCOM 4	Éxito
5	6 de agosto de 1981	FLTSATCOM 5	Fallo	Problema coa cofia do foguete, deixando o satélite en órbita pero inservible.
6	26 de marzo de 1987	FLTSATCOM 6	Fallo	Desvío do foguete do seu curso polo impacto dun raio.
7	5 de decembro de 1986	FLTSATCOM 7	Éxito
8	25 de setembro de 1989	FLTSATCOM 8	Éxito

Notas

↑ ^1,0 ^1,1 ^1,2 ^1,3 ^1,4 ^1,5 Mark Wade (2020). "FLTSATCOM" (en inglés). Consultado o 9 de marzo de 2020.
↑ ^2,0 ^2,1 ^2,2 ^2,3 ^2,4 ^2,5 Gunter Dirk Krebs (2020). Gunter's Space Page, ed. "FLTSATCOM 1, 2, 3, 4, 5 (Block 1)" (en inglés). Consultado o 9 de abril de 2020.
↑ ^3,0 ^3,1 ^3,2 ^3,3 ^3,4 ^3,5 Gunter Dirk Krebs (2020). Gunter's Space Page, ed. "FLTSATCOM 6, 7, 8 (Block 2)" (en inglés). Consultado o 9 de abril de 2020.

Véxase tamén

Outros artigos

[astronautix-1] 1,0 ^1,1 ^1,2 ^1,3 ^1,4 ^1,5 Mark Wade (2020). "FLTSATCOM" (en inglés). Consultado o 9 de marzo de 2020.

[gunter1-2] 2,0 ^2,1 ^2,2 ^2,3 ^2,4 ^2,5 Gunter Dirk Krebs (2020). Gunter's Space Page, ed. "FLTSATCOM 1, 2, 3, 4, 5 (Block 1)" (en inglés). Consultado o 9 de abril de 2020.

[gunter2-3] 3,0 ^3,1 ^3,2 ^3,3 ^3,4 ^3,5 Gunter Dirk Krebs (2020). Gunter's Space Page, ed. "FLTSATCOM 6, 7, 8 (Block 2)" (en inglés). Consultado o 9 de abril de 2020.

[1]

[2]

[3]