McDonnell FH Phantom

McDonnell FH Phantom
Tipo	caza embarcado
Fabricante	McDonnell Aircraft
Primeiro voo	25 de xaneiro de 1945
Introducido	agosto de 1947
Retirado	xullo de 1954
Estado	retirado
Unidades construídas	62
Variantes	McDonnell F2H Banshee

O McDonnell FH Phantom foi un caza bimotor deseñado durante a segunda guerra mundial para a Armada dos Estados Unidos. O Phantom foi o primeiro reactor puro en aterrar nun portaavións estadounidense e o primeiro despregado polo Corpo de Marines. Aínda que o seu tempo de servizo en primeira liña foi relativamente breve, axudou a probar aos líderes da Mariña a viabilidade dos reactores baseados en portaavións. Ademais, foi o primeiro caza exitoso de McDonnell, levando ao desenvolvemento do seu sucesor, o McDonnell F2H Banshee, un dos dous cazas navais máis importantes da Guerra de Corea, que tamén establecería a McDonnell como un importante provedor de avións da Armada. Só se fabricaron 62 FH-1 antes de que a produción cesase para construír o máis potente F2H Banshee.

O FH Phantom foi orixinalmente coñecido como FD Phantom, pero a designación cambiouse cando o avión entrou en produción.

Variantes

XFD-1

Prototipo equipado con motores de 5,18 kN Westinghouse 19XB-2B (J-30). Fabricáronse dous.

FH-1 (FD-1)

Versión de produción con motores de 7,1 kN Westinghouse J30-WE-20 (orixinalmente designouse FD-1). 60 fabricados.

Bibliografía

• Angelucci, Enzo e Peter M. Bowers. The American Fighter. Sparkford, Somerset, UK: Haynes Publishing Group, 1987. ISBN 0-85429-635-2.