Eurocephalus

Na Galipedia, a Wikipedia en galego.
Saltar ata a navegación Saltar á procura

Eurocephalus
Southern White-crowned Shrike, Eurocephalus anguitimens, gleaning ants from the early morning soil at Marakele National Park, South Africa (13952312157).jpg
Eurocephalus anguitimens pousado no chan,
no Parque Nacional de Marakele, Suráfrica
Clasificación científica
Reino: Animalia
Filo: Chordata
Subfilo: Vertebrata
Clase: Aves
Orde: Passeriformes
Suborde: Oscines
Infraorde: Corvida
Superfamilia: Corvoidea
Familia: Laniidae
Xénero: Eurocephalus
A. Smith, 1836
Especie tipo
Eurocephalus anguitimens A. Smith, 1836
Especies e Subespecies
Véxase o texto
Área de distribución das especies:
arriba, E. ruppelli; abaixo, E. anguitimens

Eurocephalus é un xénero de ave da orde dos paseriformes, infraorde dos Corvida, suborde dos oscines e familia dos lánidos.

Este xénero inclúe unicamente dúas especies de picanzos que se distribúen pola África subsahariana.

Taxonomía[editar | editar a fonte]

Descrición[editar | editar a fonte]

O xénero foi descrito en 1836 polo cirurxián, médico militar, explorador etnólogo e zoólogo escocés Andrew Smith,[1] na páxina 52 da súa obra Report of the expedition for exploring central Africa from the Cape of Good Hope. Literalmente, 'os de cabeza ancha'.

Etimoloxía[editar | editar a fonte]

O nome Eurocephalus está formado polos elementos do latín científico euro-, e -cephalus, ambos tirados do grego antigo. O perimeiro elemento é un calco de εὐρύς eyrýs, 'amplo', 'ancho'; e o segido deriva de κεφαλή kephalḗ, 'cabeza'.[2]

Especies[editar | editar a fonte]

Como quedou dito, o xénero conta con dúas especies:[1]

Subespecies[editar | editar a fonte]

Na primeira das especies recoñécense dúas subespecies:[3]

  • Eurocephalus anguitimens anguitimens A. Smith, 1836
  • Eurocephalus anguitimens niveus Clancey, 1965

A segunda non ten subespecies.[4]

Características[editar | editar a fonte]

Son aves grandes, de cor parda escura e branca. Unha das súas características máis típicas é a cro branca pura da parte superior da cabeza, ao que alude o seu nome inglés white-crowned shrike (picanzo de coroa branca).

En ambas as especies, os sexos son similares na plumaxe, e os adultos diferéncianse dos inmaturos. Ao contrario que os picanzoa do xénero Lanius, son aves gregarias (como outros picazos africanos), e teñen un voo semellante ao dos papagaios.

Encóntranse nas sabanas e en hábitats forestais abertos. Como o resto dos picanzos pousan ergueitos nalgunha póla dun arbusto ou dunha árbore desde onde poidan ver o territorio circundante.

Polo xeral aliméntanse de insectos grandes pero, ocasionalmente, tamén poden comer froitos caídos ao solo.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]