Eumetazoos

Eumetazoos
Eumetazoa Johann Adam Otto Bütschli (pt) 1910
Instancia de taxon
Categoría taxonómica subreino
Taxon superior animais
Clasificación taxonómica
Reino	Animalia
Datas
Data de comezo hai 635 millóns de anos
Identificadores
Freebase /m/01_35s OTT 641038
Wikidata C:Commons

Os eumetazoos (ou eumetazoa) son os animais que presentan tecidos propiamente ditos; comprenden a totalidade dos metazoa, coa única excepción dos Parazoa (as esponxas, nas que en lugar de tecidos existe unha organización similar a unha colonia), os extintos Archaeocyatha, os Phagocytellozoa ou Placozoos, e os Mesozoos.

Características

Os eumetazoa caracterízanse por ter capas xerminativas, como son o ectoderma, endoderma e opcionalmente mesoderma, por formar auténticos tecidos a partir da especialización celular, pola posesión de órganos, e por ter unha cavidade dixestiva limitada por un orificio bucal, que pode perderse por adaptación ao parasitismo.

Dentro dos eumetazoa, a maioría pertence á rama dos Bilateria. Fóra deste só contan dous filos que presentan simetría radial, carecen de órganos propiamente ditos e teñen cavidades dixestivas cunha soa abertura, que cumpre funcións tanto de inxestión como de excreción. Estes son os Cnidaria, (que abarca as Anemones, os corais e as medusas) e os Ctenophora.

Os Bilateria, pola súa banda, presentan simetría bilateral, órganos diferenciados e un corpo triploblástico, coas tres capas xerminativas ben diferenciadas.

Clasificación

Radiata (sen clasificar)

• Ctenophora
• Cnidaria

Bilateria (sen clasificar)

• Orthonectida
• Rhombozoa
• Chaetognatha
• Superphylum Deuterostomia
  • Chordata
  • Hemichordata
  • Echinodermata
  • Xenacoelomorpha
  • Vetulicolia †
• Protostomia (sen clasificar)
  • Superphylum Ecdysozoa
    • Kinorhyncha
    • Loricifera
    • Priapulida
    • Nematoda
    • Nematomorpha
    • Onychophora
    • Tardigrada
    • Arthropoda
  • Superphylum Platyzoa
    • Platyhelminthes
    • Gastrotricha
    • Rotifera
    • Acanthocephala
    • Gnathostomulida
    • Micrognathozoa
    • Cycliophora
  • Superphylum Lophotrochozoa
    • Sipuncula
    • Hyolitha †
    • Nemertea
    • Phoronida
    • Bryozoa
    • Entoprocta
    • Brachiopoda
    • Mollusca
    • Annelida
    • Echiura

Véxase tamén

Ligazóns externas

• Bilateria. Arquivado 22 de marzo de 2021 en Wayback Machine. Tree of Life web project, US National Science Foundation. 2002. 6 Jan 2006. (en inglés)