Eugénie Cotton

Na Galipedia, a Wikipedia en galego.
Eugénie Cotton
Eugénie Cotton.jpg
Nacemento13 de outubro de 1881
Lugar de nacementoSoubise
Falecemento16 de xuño de 1967
Lugar de falecementoSèvres
NacionalidadeFrancia
Alma máterÉcole normale supérieure de jeunes filles
Ocupaciónfísica e activista polos dereitos das mulleres
CónxuxeAimé Cotton
PremiosPremio Lenin da Paz, Cabaleiro da Lexión de Honra e International Stalin Prize for Peace
editar datos en Wikidata ]

Eugénie Elise Céline Fytis, nada en Soubise o 13 de outubro de 1881 e finada en París o 16 de xuño de 1967, coñecida como Eugénie Cotton, foi unha científica francesa, activista comunista, especialmente coñecida polo seu compromiso en defensa dos dereitos das mulleres.[1] Foi a primeira presidenta electa da Federación Democrática Internacional de Mulleres.

Traxectoria[editar | editar a fonte]

Eugénie Feytis formouse na École normale supérieure de jeunes filles (ENSJF) en Sèvres iniciando os seus estudos en 1901. Foi alumna de Marie Curie, e coñeceu a Pierre Curie e Paul Langevin.[2] En 1904, foi aceptada por primeira vez no concurso para o profesorado sobre competencia feminina en ciencias físicas e naturais.[3] Foi profesora na universidade de Poitiers e logo na ENSJF onde se formou.

En 1913 casou con Aimé Cotton, físico, profesor na Facultade de Ciencias de París e na Escola normal superior en Saint-Cloud . En 1925, doutora en ciencias físicas, foi mestra de investigación no CNRS.[3] Converteuse en directora da ENSJF en 1936, participou na reforma dos estudos da muller, elevou o nivel de educación científica e desenvolveu o laboratorio e a investigación.[4] Foi obrigada a retirarse en 1941.

Activista comunista[editar | editar a fonte]

Comprometida co Partido Comunista Francés, axudou aos antifascistas alemáns refuxiados en Francia desde 1933, e logo aos españois perseguidos polo xeneral Franco. Durante a Segunda Guerra Mundial, o goberno de Vichy obrigou a Eugenie Cotton a abandonar o seu posto na Escola Normal Superior por retiro forzado en 1941. Pola súa banda, o seu marido foi arrestado dúas veces pola Gestapo[5].

En 1944 participou na fundación da Unión de mulleres francesas e converteuse na primeira presidenta da Federación Internacional Democrática de Mulleres cando se creou en 1945. Tamén foi vicepresidenta do Consello Mundial da Paz, onde desenvolveu unha importante actividade até a súa morte.

Recoñecementos[editar | editar a fonte]

Durante a súa vida, Eugenie Cotton recibiu en 1950 o Premio Lenin da Paz . Cabaleiro da Lexión de Honra .

Despois da súa morte, varias escolas primarias na rexión de París foron renomeadas co seu nome que tamén se lle deu a unha universidade de Argenteuil, rúas e mesmo a un cráter de Venus.[6][7]

Arquivos[editar | editar a fonte]

Os arquivos de Eugenie Cotton gárdanse na Biblioteca Marguerite Durand, 79 rue Nationale, no Distrito XIII de París[8].

Notas[editar | editar a fonte]

  1. "Eugénie Cotton". 1967. 
  2. "Eugénie Cotton, física". Consultado o 17 de marzo 2020. 
  3. 3,0 3,1 Christine Bard dir., Annie Metz, Valérie Neveu (2006). Guide des sources de l'histoire du féminisme. Rennes: Presses Universitaires de Rennes. ISBN 2-7535-0271-4. 
  4. "C'est qui Eugénie Cotton ?". Arquivado dende o orixinal o 16 de abril de 2016. Consultado o 12 de xaneiro de 2016. 
  5. Louis de Broglie. "Notice sur la vie et l'œuvre d'Aimé Cotton" (pdf). Consultado o 12 de xaneiro de 2016. 
  6. (en inglés) FindTheData : Where does the name for the astrogeological feature Cotton come from?[Ligazón morta]
  7. "Working Group for Planetary System Nomenclature" (PDF). Consultado o 17 marzo 2020. 
  8. "Bibliothèque Marguerite Durand". Arquivado dende o orixinal o 01 de xaneiro de 2017. Consultado o 17 novembro 2016. 

Véxase tamén[editar | editar a fonte]

Bibliografía[editar | editar a fonte]

  • Loukia Efthymiou, Eugènie Cotton (1881-1967): Histoires d’une vie - Histoires d’un siècle, Éditions universitaires européennes, 2019, 459 p.