Estercoráridos

	Instancia de taxon monotípico
	Subclase de Aves mariñas; piscívoro
	Categoría taxonómica familia

Estercoráridos
	Stercorariidae
	Instancia de taxon monotípico
	Subclase de Aves mariñas; piscívoro
	Categoría taxonómica familia
Clasificación taxonómica
Superreino	Holozoa
Reino	Animalia
Filo	Chordata
Clase	Aves
Orde	Charadriiformes
Familia	Stercorariidae ;
Localización
	Área de distribución Brasil
Freebase
Códigos e identificadores
Freebase
Freebase	/m/01dy1v
ITIS	176790
OTT	168297
Fontes e ligazóns
	Descrito pola fonte Nordisk familjebok ; Dicionario Enciclopédico Granat "Q96360825 "; Enciclopedia da natureza de Armenia ; Encyclopædia Britannica "1911 Encyclopædia Britannica/Skua (en) " ;
	Wikidata G:Commons C:Commons

Os estercoráridos (Stercorariidae) son unha familia de aves da orde Charadriiformes coñecidas vulgarmente como palleiras,^[1] merdeiros^[1] ou papamerdas^[2]. Os papamerdas están emparentados coas gaivotas, as aves zancudas e as pardelas.

Características

En xeral, son aves de tamaño medio a grande, cunha plumaxe tipicamente agrisada ou marrón, e a miúdo presentan unhas manchas brancas nas ás. O seu peteiro é bastante longo, coa punta curvada, e os seus pés son palmados con poutas afiadas. Os papamerdas semellan gaivotas grandes e escuras, mais posúen unha membrana carnosa ou cera sobre a mandíbula superior que a diferenza destas. Son aves fortes e acrobáticas.

Historia natural

Son aves mariñas que aniñan en rexións tépedas e árticas, e son aves migratorias de longa distancia.

Fóra da época de reprodución aliméntanse de peixes e preas. Moitos son cleptoparasitos parciais e cazan gaivotas, carráns e outras aves mariñas para roubarlles as súas capturas; as especies de maior tamaño a miúdo matan e aliméntanse de aves adultas, que poden acadar o tamaño do gaivotón atlántico. Nas zonas de cría, aliméntanse normalmente de lemmings, e de ovos e crías doutras aves.

Taxonomía

Nas tres especies máis pequenas (todas elas holárticas) as aves reprodutivas posúen as dúas plumas centrais da cola claramente alongadas e polo menos algúns adultos teñen as partes inferiores de cor branca e o pescozo de cor amarela clara, características estas que as especies de maior tamaño (todas orixinarias do Hemisferio Sur agás o palleira grande) non comparten. Por tanto, os papamerdas divídense a miúdo en dous xéneros: Stercorarius, ao que só pertencen as especies de menor tamaño, e Catharacta, ao que pertencen as especies de maior tamaño. Con todo, non existe unha base xenética para esta separación. De feito, o ADN mitocondrial (que se herda só da nai) do papamerda pomarino e o do palleira grande presentan máis afinidades entre si que co do papamerda palanquín ou calquera das especies do Hemisferio Sur. Así pois, a hibridación debe xogar un papel importante na evolución da diversidade dos papamerdas do Hemisferio Norte.