Estefanía de Mónaco

Na Galipedia, a Wikipedia en galego.
Saltar ata a navegación Saltar á procura
Estefanía de Mónaco
Міжнародний фестиваль у Монте-Карло (cropped).JPG
Nacemento1 de febreiro de 1965
 Palácio do Príncipe de Mônaco
NacionalidadeMónaco
Alma máterCours Hattemer e Sisters of the Infant Jesus
Ocupacióncantante, política, filántropa, modelo e deseñadora
PaiRainiero III de Mónaco
NaiGrace Kelly
CónxuxeDaniel Ducruet e Adans Lopez Peres
FillosLouis Ducruet, Paulina Ducruet e Camille Gottlieb
IrmánsAlberte II de Mónaco e Carolina de Mónaco
editar datos en Wikidata ]

Stéphanie Marie Élisabeth Grimaldi, nada en Mónaco o 1 de febreiro de 1965, é a filla máis nova dos príncipes Rainiero III e Grace de Mónaco. Traballou temporalmente como cantante, deseñadora de traxes de baño, modelo e artista.

Traxectoria[editar | editar a fonte]

Primeiros anos[editar | editar a fonte]

Estefanía naceu en 1965 no Palacio do Príncipe de Mónaco, terceira e último filla do príncipe Rainiero III de Mónaco e de Grace Kelly. A súa madriña de bautismo foi a súa curmá Elizabeth Ann de Massy, filla da princesa Antonieta, mentres que o seu tío materno, John Brendan Kelly, Jr. foi o seu padriño.[1] Estefanía recibiu o seu nome en honor á súa antepasada Estefanía de Beauharnais.

Estudou no Dames de Saint-Maur de Mónaco e despois na Dupanloud de París. Rematou o bacharelato en 1982.[2] Durante os seus anos de escola estudou danza clásica e piano, tamén competiu en ximnasia e equitación. Fala fluidamente monegasco, francés, inglés e italiano.

O 13 de setembro de 1982, cando regresaban a Mónaco da súa casa de campo de Rocagel (Francia), ela e a súa nai sufriron un accidente de tráfico. Grace faleceu o día seguinte, mentres que Estefanía sufriu unha ruptura dunha vértebra do pescozo. Aínda que a versión oficial foi que Grace tivo un derramo cerebral mentres conducía, houbo rumores de que era Estefanía, que non asistiu ao funeral da súa nai por estar convalecente, quen conducía o vehículo. Estefanía negouse a falar da morte da súa nai ata 1989, cando deu unha entrevista en que dixo: "Hai moita presión sobre min, porque todo o mundo di que eu conducía o coche, que é a miña culpa, que matei a miña nai... Non é doado cando tes que vivir iso con dezasete anos".[3] A princesa non volveu falar do asunto ata 2002, cando concedeu unha entrevista á revista francesa Paris Match en que dixo: "Non só tiven que pasar polo horrible trauma de perder a miña nai a unha idade temperá, senón estar ao seu lado no momento do accidente. Ninguén pode imaxinar o moito que sufrín e que sigo sufrindo".[4][5]

Moda[editar | editar a fonte]

O seu carácter díscolo e difícil, a súa axitada vida sentimental e a súa rechamante imaxe afastárona do prototipo de princesa europea e provocaron o alcume de «a princesa rebelde». Díxose repetidamente que Estefanía non asumía o seu papel dentro da familia principesca, sometido ao protocolo e obrigas sociais, e preferiu dedicarse ao mundo do espectáculo e do deseño.

En 1983, despois de recuperarse do accidente, comenzou un curso de aprendizaxe en Christian Dior, baixo a dirección do xefe de deseño Marc Bohan.[6] O ano seguinte debutou como modelo nunha reportaxe de roupa de alta costura para a revista española ¡Hola!. En 1985 apareceu na revista alemá Vogue e na norteamericana Vanity Fair.[7] Tamén foi imaxe da liña de beleza suíza La Prairie.

En 1986 lanzou a súa primeira liña de traxes de baño con Alix de la Comble, a quen coñecera durante a súa estadía en prácticas en Dior. O desfile de moda para presentar a liña, que se celebrou no Club Sporting de Mónaco e ao que asistiron o príncipe Rainiero III, o príncipe Alberte e a princesa Carolina, foi un acontecemento importante cuberto polos medios de comunicación de todo o mundo.[8] En 1989, Estefanía lanzou o seu propio perfume homónimo.[9]

Carreira musical[editar | editar a fonte]

Estefanía de Mónaco en 1986

En febreiro de 1986, Estefanía autoproduciu e publicou o seu primeiro sinxelo coa discográfica francesa Carrere, baixo a produción de Yves Roze. A canción "Ouragan" e a súa versión en Inglés "Irresistible" foron éxitos internacionais, vendendo máis de 2 millóns de copias. "Ouragan" é un dos sinxelos máis vendidos en Francia en toda a historia.[10] O álbum completo Besoin, lanzado como Stéphanie nalgúns países, vendeu máis de 1,5 millón de exemplares, con 100 000 só en Francia.[11]

En xaneiro de 1987, Estefanía lanzou o sinxelo "Young Ones Everywhere" en beneficio de UNICEF. O mesmo ano, trasladouse aos Ánxeles para gravar un novo álbum. O álbum Stéphanie, publicado en 1991, tivo unhas vendas decepcionantes e críticas negativas,[12] a pesar da xira promocional que incluíu unha actuación no programa de Oprah Winfrey.[13] Estefanía rematou así a súa carreira musical después de gravar "In the Closet" con Michael Jackson para o seu álbum Dangerous. A canción converteuse nun éxito en todo o mundo e entrou no top ten nos Estados Unidos; porén, Estefanía foi acreditada como "Mystery Girl" e a súa participación na canción non se revelou ata uns anos máis tarde.

Fixo unha breve volta á canción en 2006, cando gravou "L'Or de nos vies", un sinxelo benéfico, xunto coa súa fundación para combater a sida.[14]

Vida persoal[editar | editar a fonte]

Monograma real

Stéphanie saíu con Paul Belmondo,[15] Anthony Delon,[16] Rob Lowe, Mario Oliver Jutard e Jean-Yves Le Fur antes de comezar unha relación co seu escolta Daniel Ducruet en 1992.[17]

A parella tivo dous fillos, Louis e Pauline Ducruet, nados en 1992 e 1994 respectivamente no Hospital Princesa Grace en Mónaco. Os nenos foron incluídos na liña de sucesión ao trono monegasco cando Estefanía casou con Ducruet o 1 de xullo de 1995 no concello de Mónaco.[18] A parella divorciouse o 4 de outubro de 1996.[19][20]

Estefanía deu a luz a súa terceira filla, Camille Gottlieb, o 15 de xullo de 1998 no Hospital Princesa Grace.[21] Aínda que no certificado de nacemento nos se incluíu o nome do pai, sospeitouse dende o principio que era o seu xefe de seguridade Jean Raymond Gottlieb[22] e de feito, a propia Camille recoñeceu a Gottlieb como o seu pai.[23] Como os seus pais nunca casaron, Camille non está incluída na liña de sucesión ao trono.

Estefanía e o seu irmán Alberte en agosto de 2013

En 2001, Estefanía comezou unha relación cun adestrador de elefantes casado, Franco Knie, e mudouse cos seus tres fillos á súa caravana de circo. Porén, a relación rematou en 2002, e a familia volveu a Mónaco.[24] O 12 de setembro de 2003, Stéphanie casou co acróbata portugués Adans Lopez Peres, membro do elenco do circo Knie.[25] O matrimonio acabou en divorcio o 24 de novembro de 2004.[26]

Estefanía é a madriña de Andrea Casiraghi, fillo máis vello da súa irmá Carolina.[27]

Notas[editar | editar a fonte]

  1. "H.S.H. Princess Stéphanie". Prince's Palace of Monaco. Arquivado dende o orixinal o 12 de febreiro de 2012. Consultado o 6 de febreiro de 2012. 
  2. Englund, Steven (1984). Grace of Monaco: An Interpretive Biography. USA: Doubleday. ISBN 0385188129. Consultado o 31 de xaneiro de 2019. 
  3. "Princess Grace's Fatal Crash: Her Daughter's Account". Chicago Tribune. 23 de outubro de 1989. Consultado o 8 de agosto de 2014. 
  4. "Princess Stephanie breaks her silence on the accident that killed her mother". Hello. 11 de outubro de 2002. Consultado o 6 de febreiro de 2012. 
  5. "Stephanie: 'I was not at wheel when Grace was killed'". Guardian. 11 de outubro de 2002. Consultado o 8 de agosto de 2014. 
  6. Diliberto, Gioia (19 de novembro de 1984). "High Intrigue and Haute Couture: the Tainted Troubled Times of Monaco's Princess Stephanie". People. Arquivado dende o orixinal o 20 de novembro de 2012. Consultado o 6 de febreiro de 2012. 
  7. "Princess Stephanie: Her Model's Portfolio". People. 15 de abril de 1985. Arquivado dende o orixinal o 20 de novembro de 2012. Consultado o 6 de febreiro de 2012. 
  8. "Thanks to a Curious 'Family Friend,' Princess Stephanie's in the Swim—and Daddy's in Deep Water". People. 30 de setembro de 1985. Arquivado dende o orixinal o 20 de novembro de 2012. Consultado o 6 de febreiro de 2012. 
  9. "Latest news and profile of Princess Stephanie of Monaco". Hello. Consultado o 6 de febreiro de 2012. 
  10. "Les meilleures ventes tout temps de 45 T. / Singles". Infodisc.fr (en francés). Consultado o 6 de febreiro de 2012. 
  11. "Les Certifications depuis 1973, database" (en francés). Infodisc. Consultado o 6 de febreiro de 2012. 
  12. Hiltbrand, David (9 de setembro de 1991). "Picks and Pans Review: Stephanie". People. Arquivado dende o orixinal o 19 de outubro de 2012. Consultado o 6 de febreiro de 2012. 
  13. "Monaco's Princess Stephanie". The Oprah Winfrey Show. 28 de abril de 2011. Consultado o 6 de febreiro de 2012. 
  14. "UNAIDS Special Representative HSH Princess Stephanie of Monaco leads creative AIDS fundraising activities". Joint United Nations Programme on HIV/AIDS. 7 de decembro de 2006. Arquivado dende o orixinal o 22 de febreiro de 2014. Consultado o 7 de febreiro de 2012. 
  15. Diliberto, Gioia (7 de febreiro de 1983). "After Tragedy, a Healing Love". People. Arquivado dende o orixinal o 10 de xuño de 2015. Consultado o 6 de febreiro de 2012. 
  16. "Stephanie Wards Off the Autumn Chill with a Batch of Beaus". People. 12 de novembro de 1984. Arquivado dende o orixinal o 20 de novembro de 2012. Consultado o 6 de febreiro de 2012. 
  17. Green, Michelle (15 de xuño de 1992). "A Princess Reborn". People. Arquivado dende o orixinal o 23 de maio de 2015. Consultado o 6 de febreiro de 2012. 
  18. Barron, James (3 de xullo de 1995). "Chronicle". The New York Times. Consultado o 6 de febreiro de 2012. 
  19. "The Princess Who Married Her Bodyguard and Joined the Circus: Stéphanie of Monaco's 5 Most Memorable Moments". PEOPLE.com (en inglés). Consultado o 2019-04-23. 
  20. https://web.archive.org/web/20170401000303/http://people.com/archive/his-cheatin-heart-vol-46-no-12/
  21. "Princess Stephanie's pretty daughter Pauline takes centre stage at circus fest". Hello. 15 de xaneiro de 2010. Consultado o 6 de febreiro de 2012. 
  22. "Mum's the Word". People. 13 de abril de 1998. Arquivado dende o orixinal o 10 de xuño de 2015. Consultado o 6 de febreiro de 2012. 
  23. Instagram
  24. "The Princess Who Married Her Bodyguard and Joined the Circus: Stéphanie of Monaco's 5 Most Memorable Moments". PEOPLE.com (en inglés). Consultado o 2019-04-23. 
  25. "Prinses Stéphanie van Monaco opnieuw getrouwd". Gazet van Antwerpen (en neerlandés). 16 de setembro de 2003. Consultado o 6 de febreiro de 2012. 
  26. "The turbulent love life and marriages of Albert's sisters". Hello. 14 de xuño de 2011. Consultado o 6 de febreiro de 2012. 
  27. Diliberto, Gioia (25 de xuño de 1984). "A New Beginning for Monaco's Princess". People. Arquivado dende o orixinal o 04 de marzo de 2016. Consultado o 6 de febreiro de 2012. 

Véxase tamén[editar | editar a fonte]

Ligazóns externas[editar | editar a fonte]