Estación de Miraflores

Na Galipedia, a Wikipedia en galego.

Coordenadas: 41°37′59″N 0°52′06″O / 41.63309, -0.86844

Miraflores
SituaciónZaragoza
Liñas
Media distanciaIntercity, Rexional, Rexional Exprés
CercaníasProximidades Zaragoza

A estación de Miraflores, tamén chamada Zaragoza-Miraflores, é unha estación ferroviaria soterrada situada na cidade de Zaragoza, en Aragón. Atópase no distrito de Las Fuentes, próxima ao Pavillón José Luis Abós e á Facultade de Veterinaria de Zaragoza, principais focos que dan sentido á estación, así como da entrada da cidade desde o leste. A estación actual foi construída sobre a antiga estación de RENFE e foi aberta, en precario, co resto da liña de proximidade o 11 de xuño de 2008.

Trátase actualmente do final de liña de proximidade C-1, aínda que a ampliación desta está prevista a curto prazo ata a Cartuja. Ademais de formar parte da rede de Proximidades Zaragoza, conta con servizos de media distancia.

Situación ferroviaria[editar | editar a fonte]

A estación forma parte da liña férrea de ancho ibérico Madrid-Barcelona, punto quilométrico 344,3.[1] Con indéntica quilometraxe Miraflores intégrase tamén na liña 210 da rede que une a propia Miraflores con Tarragona.[1]

A estación[editar | editar a fonte]

Miraflores foi planificada a raíz do proxecto dunha liña de proximidade na cidade, xunto coa remodelación ferroviaria que supuxo a chegada da alta velocidade a Zaragoza. Esta estación é o extremo leste da liña de tren que travesa a cidade a través dun túnel existente baixo a Avenida de Goya e a súa prolongación pola Avenida do Tenor Fleta. O proxecto da estación, aínda non finalizada, inclúe cubrir as vías en Tenor Fleta alongando a rúa ata a Z-30 ademais das instalacións de proximidade. A estación inclúe instalacións eléctricas para a liña e un aparcadoiro disuasorio na entrada da cidade. Atópase comunicada co resto da cidade polas liñas 25, 38, 44, 51 e 52 dos Transportes Urbanos de Zaragoza.

Críticas[editar | editar a fonte]

A localización da estación foi frecuentemente criticada na cidade ao estar no final do tramo urbanizado e consecuentemente con pouca poboación, podéndose escoller zonas completamente urbanizadas como a intersección da Avenida do Tenor Fleta coa Avenida de San José, aínda que parece formar parte dunha aposta de futuro polo desenvolvemento da cidade ao leste, o que coincidía coas intencións do alcalde Juan Alberto Belloch de trasladar o estadio do Real Zaragoza ás inmediacións e celebrar unha exposición sobre horticultura na zona, convertendo a contorna da estación en futura zona integrada na cidade. Con todo, en 2011, renunciouse á celebración da devandita exposición[2] e actualmente o proxecto do Novo Estadio de San José está descartado de maneira oficiosa.[3] A principios de 2014 houbo reestruturación de liñas en AUZSA, pola cal a liña 44 ten como final do traxecto esta estación.

Servizos ferroviarios[editar | editar a fonte]

Media distancia[editar | editar a fonte]

Actualizado a 21 de xaneiro de 2017.

Liñas Trens Orixe/Destino <> Destino/Orixe
  Intercity València-Nord
Cartaxena
Zaragoza-Miraflores
  Rexional Exprés Madrid-Chamartín Barcelona-Estació de França
  Rexional Exprés Burgos Zaragoza-Miraflores
  Rexional Exprés Logroño
Castejón de Ebro
Zaragoza-Miraflores
Zaragoza-Delicias
  Rexional Madrid-Chamartín
Arcos de Jalón
Calatayud
Zaragoza-Miraflores
34 Rexional Móra la Nova Zaragoza-Delicias
49 Rexional Teruel Zaragoza-Miraflores
56 Rexional Jaca
Canfranc
Zaragoza-Delicias

Proximidades[editar | editar a fonte]

A estación forma parte da liña C-1 da rede de Proximidades Zaragoza operada por Renfe.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]