Estación de London Victoria
Coordenadas: 51°29′42″N 0°08′37″O / 51.495005, -0.143577
| Estación de London Victoria | |
|---|---|
 Fachada da estación |
A estación de London Victoria (en inglés: London Victoria Station), tamén coñecida simplemente como estación de Victoria, é unha das estacións de ferrocarril máis importantes de Londres. Atópase xunto á rúa Victoria, no borough da Cidade de Westminster.
Con máis de 73 millóns de pasaxeiros ao ano, é a segunda estación máis transitada do Reino Unido despois da de Waterloo. A zona é tamén un importante intercambiador de diversos medios de transporte, ao atoparse alí a estación de autobuses de Victoria Coach Station e a estación de metro Victoria.
Dende a estación saen varias liñas cara ao sueste de Inglaterra, sendo os destinos máis importantes Brighton, Worthing, Eastbourne, Canterbury e Dover.
