Estación central de Zürich

Na Galipedia, a Wikipedia en galego.
Saltar ata a navegación Saltar á procura
Estación central de Zürich

A estación central de Zürich (en alemán Zürich Hauptbahnhof, abreviada frecuentemente como Zürich HB, e ata 1893 Bahnhof Zürich) é a principal estación de tren de Zürich e de Suíza. É un nó ferroviario para o tránsito dentro do país e con Alemaña, Italia, Austria e Francia polo que pasan 2915 trens e 437.000 pasaxeiros ao día,[1] o que a converte nunha das principais de Europa.[2] É tamén unha das estacións máis antigas de Suíza, o antigo remate da primeira liña suíza, a denominada Spanisch-Brötli-Bahn.

A estación de Zürich en 1847

Localízase no Distrito 1 dentro do Altstadt, a parte de Zürich que se corresponde co centro histórico da cidade, un pouco antes da confluencia do río Sihl no Limmat. O Sihl atravesa a estación por medio dun túnel que pasa baixo as vías.

Historia[editar | editar a fonte]

Vista aérea da estación de Zürich e a súa contorna en 1907

Gustav Albert Wegmann edificou a estación na daquela zona noroeste da cidade, era a estación final da primeira liña ferroviaria, Spanisch-Brötli-Bahn, que conectaba as cidades de Zürich e Baden e que se inaugurou o 9 de agosto de 1847. En 1871 o edificio substituíuse por unha nova construción, obra de Jakob Friedrich Wanner, a súa entrada principal era un arco de triunfo e o estilo era neorrenacentista de arenita, con pasos para peóns e cunha abondosa decoración e fachinelos, restaurantes e salóns. Os corredores de pedra con arcos e fiestras dan unha impresión sinxela e monumental do interior da estación.

Notas[editar | editar a fonte]

  1. Benjamin Weinmann (9 de maio de 2015). "SBB-Prognose: Bahnhöfe platzen aus allen Nähten". Schweiz am Sonntag. 
  2. "The world’s busiest train stations". railwaytecnology.com. 9 de agosto de 2012.