Yves Leterme

Yves Leterme

Nome orixinal	(nl) Yves Camille Désiré Leterme
Biografía
Nacemento	6 de outubro de 1960 (63 anos) Wervik
Cargos Primeiro ministro de Bélxica 20 de marzo de 2008
Datos persoais
País de nacionalidade	Bélxica
Relixión	Igrexa católica
Educación	Universidade Católica de Lovaina (KU Leuven) (pt) Universidade de Gante
Actividade
Ocupación	Avogado e auditor
Partido político	Democristiano Flamengo
Membro de	Assembleia Parlamentar do Conselho da Europa (pt)
Lingua	Lingua neerlandesa
Participou en
	World Government Summit 2013 (en)
Premios (7 de decembro de 2011)  Minister of State (en) (6 de xuño de 2010)  Grand Officer of the Order of Leopold (en) (2008)  State Prize of North Rhine-Westphalia (en)
Páxina web	yvesleterme.be
Lista Presidência do Conselho Europeu (pt) 1 de xullo de 2010 – 31 de decembro de 2010 48º Primeiro ministro de Bélxica 25 de novembro de 2009 – 6 de decembro de 2011 ← Herman Van Rompuy – Elio Di Rupo → Minister of Foreign Affairs in Belgium (en) 17 de xullo de 2009 – 25 de novembro de 2009 ← Karel De Gucht – Steven Vanackere → 48º Primeiro ministro de Bélxica 20 de marzo de 2008 – 30 de decembro de 2008 ← Guy Verhofstadt – Herman Van Rompuy → Senador da Bélgica (pt) 2008 – 2009 Minister of Mobility (en) 21 de decembro de 2007 – 20 de marzo de 2008 ← Renaat Landuyt (pt) – Etienne Schouppe (pt)  → Gabinete ministerial: Verhofstadt III Government (en) Substituto na Asemblea Parlamentaria do Consello de Europa Representa: Bélxica 23 de novembro de 2007 – 14 de abril de 2008 Senador da Bélgica (pt) 10 de xuño de 2007 – 21 de decembro de 2007 Minister-President of Flanders (en) 20 de xullo de 2004 – 28 de xuño de 2007 ← Bart Somers – Kris Peeters → Flemish minister of Agriculture (en) 20 de xullo de 2004 – 27 de xuño de 2007 ← Jef Tavernier – Kris Peeters → Membro da Cámara de Representantes de Bélxica 1997 – 2004 Member of the Flemish Parliament (en) Membro da Cámara de Representantes de Bélxica decembro de 2011 Lexislatura: 53rd legislative term of the Chamber of Representatives of Belgium (en)

Yves Leterme Camille Désiré (*Wervik Flandres, Bélxica, 6 de outubro de 1960) fillo de pai valón e nai flamenga) é un político belga, membro do partido Democristián Flamengo e antigo Primeiro Ministro de Bélxica. Desempeñou os cargos de Viceprimeiro Ministro e Ministro de Orzamento, Reformas Institucionais e Transporte no goberno federal de Bélxica. El é tamén exministro-presidente de Flandres e Ministro flamengo de Agricultura e Pesca.

Yves Leterme foi unha das opcións para converterse no Primeiro Ministro de Bélxica logo da Elección Xeral de 2007. El presentou a súa dimisión como Ministro-Presidente de Flandres o 26 de xuño de 2007. O 16 de xullo do 2007, Leterme foi nomeado para iniciar conversacións formais na formación dun novo goberno de coalición. Tras nove meses de estancamento político, o 20 de marzo de 2008 Leterme foi designado como Primeiro Ministro de Bélxica. O 14 de xullo de 2008, cando aínda non se cumpriran catro meses do seu goberno, presentoulle a dimisión ao rei Alberte II de Bélxica.

Biografía

Yves Leterme é completamente bilingüe grazas ao seu pai francófono e a súa nai neerlandófona, comezou a súa carreira en 1987 como auditor da Corte de Contas de Bélxica.

Como democristián, comezou a súa carreira política na súa provincia natal de Flandres Occidental, antes de ser elixido no Parlamento federal en 1999, cando conseguiu un escano na oposición. Nas eleccións do ano 2003 Yves Leterme tomou a dirección. No ano 2004, trala vitoria nas eleccións rexionais, fíxose co título de ministro-presidente e ministro de Agricultura e Pesca da Rexión flamenga, nunha coalición cos socialistas, liberais e a alianza Nieuw-Vlaamse (o partido independentista).

En xuño do 2007, conseguiu gañar as eleccións lexislativas federais. Como personaxe emblemático en Flandres, suscitou durante a campaña a polémica por varias intervencións sobre discriminación e racismo que foron moi criticadas na Bélxica francófona.

Eleccións

Con Yves Leterme á cabeza o seu partido, o CD&V, aliado do partido independentista flamengo N-VA, gañou con facilidade as eleccións, obtendo 30 cadeiras das 150 na cámara e 9 (+5 de comunidade) das 71 do Senado. Yves Leterme, candidato ao Senado, obtivo 796.521 votos de preferencia.

O 15 de xullo de 2007, o Rei Alberte II encargou a Yves Leterme formar un goberno, pero por conflitos de intereses no país non o conseguiu polo que o 23 de agosto de 2007, pediulle ao Rei ser declarado incompetente para formar o novo goberno belga, aceptando este a dimisión.

O 29 de setembro de 2007, trala misión de Herman Van Rompuy como explorador e a entrega do seu informe o Rei, Yves Leterme repetiu a misión de formador, secundado primeiramente por Herman Van Rompuy quen se encargara de explorar as pistas de solución institucional, primeiro obstáculo á primeira dimisión do formador.

O 1 de decembro de 2007, Yves Leterme presentoulle novamente a súa dimisión ao Rei da súa función de formador en resposta ao bloqueo das negociacións. O 21 de decembro, foi nomeado Viceprimeiro ministro e ministro de Orzamento, de Mobilidade e de Reformas institucionais (comparte este último expediente co francófono Didier Reynders) no seo do goberno Guy Verhofstadt, formado de xeito pasaxeiro ata que un acordo de goberno entre os diferentes partidos belgas, particularmente entre os francófonos e neerlandófonos.

O 20 de marzo de 2008, como era previsto, xurou o seu posto como 47º Primeiro ministro belga formando un goberno baseado nunha coalición pentapartita (5 partidos) alcumada coalición armenia por ter as cores da bandeira armenia: laranxa (democristián-humanistas do CD&V neerlandófono e do CDH francófono), azul (liberais VLD neerlandófono e do MR francófono) e vermello (socialistas do PS francófono).

Predecesor: Guy Verhofstadt

Primeiro ministro de Bélxica 2008-actualidade

Sucesor: En funcións