Xosefina de Leuchtenberg

Xosefina de Leuchtenberg Joséphine de Leuchtenberg
Raíña consorte de Suecia e Noruega
Xosefina, raíña de Suecia e Noruega, contra 1845
Reinado	8 de marzo de 1844 8 de xullo de 1859
Nome completo	Joséphine Maximilienne Eugénie Napoléone de Beauharnais
Outros títulos	Princesa de Bologne Duquesa de Galliera Duquesa de Leuchtenberg
Nacemento	14 de marzo de 1807 Milán, Reino de Italia
Falecemento	7 de xuño de 1876 (69 anos) Estocolmo, Suecia
Sepultura	Igrexa de Riddarholmen
Predecesor	Desideria Clary
Sucesor	Luísa dos Países Baixos
Consorte	Óscar I
Descendencia	Carlos XV Príncipe Gustavo, duque de Uppland Óscar II Princesa Euxenia Príncipe Augusto, duque de Dalarna
Casa real	Casa de Bernadotte (Por matrimonio)
Proxenitores	Eugène de Beauharnais Augusta Amalia de Baviera
Escudo de armas de Xosefina de Leuchtenberg
Na rede

Xosefina de Leuchtenberg, nada o 14 de marzo de 1807 en Milán (como Joséphine Maximilienne Eugénie Napoléone de Beauharnais) e finada o 7 de xuño de 1876 en Estocolmo, foi raíña de Suecia e Noruega entre 1844 e 1859, como consorte do rei Óscar I.

Tamén foi Princesa de Bologne, e Duquesa de Galliera e de Leuchtenberg.

Familia

Era a filla máis vella de Eugène de Beauharnais, primeiro duque de Leuchtenberg (concedido en 1817 polo rei Maximiliano I de Baviera) e de Augusta Amalia de Baviera (filla do rei Maximiliano I de Baviera e da princesa Guillermina de Hesse-Darmstadt).

Debía o seu primeiro nome á súa avoa paterna, a emperatriz Xosefina, e o seu terceiro ao emperador Napoleón Bonaparte.

Matrimonio

Retrato de Óscar I, esposo de Xosefina de Leuchtenberg.

Xosefina, como princesa herdeira de Suecia e Noruega.

Casou con Óscar, o príncipe herdeiro de Suecia e Noruega, o 22 de maio de 1823, no palacio de Leuchtenberg, en Múnic.

O 19 de xuño do mesmo ano celebrouse unha cerimonia en Estocolmo.

Probabelmente o matrimonio tiña tamén fins de lexitimación dinástica, pois Xosefina era descendente, por liña materna, de Gustavo Vasa. Así mesmo descendía a través da súa e nai do impopular rei Cristián II de Dinamarca.

Seis días despois de chegar a Suecia tivo que renunciar ao seu terceiro nome, Napoleona, debido a que Suecia se aliñara no bando contrario a Napoleón durante as guerras deste en Europa.

Levou consigo varias xoias espectaculares herdadas da emperatriz Xosefina, elaboradas en prestixiosas xoiarías de París. Esas xoias pertencen aínda hoxe en día á familia real sueca.

En 1824 foi vicerraíña de Noruega e tería que viaxar acompañando ao seu marido á capital dese país, Kristianía (actual Oslo). Alí viviría a parella uns cantos meses antes de volver a Estocolmo.

Á morte de Carlos XIV Xoán de Suecia, o seu esposo Óscar subiu ao trono, como Óscar I, e Xosefina converteuse en raíña de Suecia e Noruega.

Entre as súas actividades como raíña encontrábanse as obras de caridade. Manifestou gusto pola pintura e promoveu as reformas propostas polo seu marido.

Xosefina foi tan popular na corte como entre o pobo sueco, a pesar de conservar a súa relixión católica, aínda que consentiu educar os seus fillos na relixión luterana. Segundo rumores, a raíña defendeu, en 1860, unha nova lei de liberdade relixiosa. A lei antiga permitía crenzas diferentes soamente se o individuo nacera nelas, prohibindo unha conversión da fe luterana.

Non se sabe se tivo algunha influencia política durante o reinado do seu marido (e no do seu fillo), pero certamente actuou como conselleira do rei. En 1848 tentou evitar unha guerra en Schleswig-Holstein. E sería responsábel dun tratado entre Suecia, Noruega, Francia e a Gran Bretaña en 1855.

Na súa vida privada padeceu a infidelidade de Óscar, que tivo un romance extramatrimonial coa famosa actriz sueca Emilie Högqvist, e outra relación coa aristócrata Jaquette Löwenhielm.

Morte

A finais do mes de maio de 1876, Xosefina xa estaba bastante enferma, falecendo o 7 de xuño dese ano en Estocolmo, á idade de 69 anos. As súas últimas palabras foron: «Eu estou indo para casa agora. Estou moi feliz». O seu funeral seguiu o rito católico. Está sepultada na Igrexa de Riddarholmen, de capital sueca.

Descendencia

Co seu esposo Óscar I tivo os seguintes fillos:

1. Carlos (1826-1872). Duque de Escania, rei de Suecia e de Noruega de 1859 a 1872.
2. Gustavo (1827-1852). Duque de Uppland.
3. Óscar (1829-1907). Duque de Östergötland, rei de Suecia de 1872 a 1907 e de Noruega de 1872 a 1905.
4. Euxenia (1830-1889).
5. Augusto (1831-1873). Duque de Dalecarlia.

Galería de imaxes

• 
  Josefinas klänning, Livrustkammaren.
  (Vestido de Xosefina)
• 
  Oscar I:s och Josefinas bröllopskläder, Livrustkammaren.
  (Roupas da voda de Óscar I e Xosefina)
• 
  Solfjäder som tillhört drottning Josefina, 1873.
  (Abano que pertenceu á Raíña Xosefina, 1873)
• 
  Minnesvärja tillverkad till 50-årsjubileet av drottning Josefinas landstigning i Sverige, 1873.
  (Espada conmemorativa do 50º aniversario da chegada da Raíña Xosefina e Suecia, 1873)
• 
  Drottning Sofias guldbröllopssläp.
  (Manto bordado en ouro da voda da Raíña Sofía)
• 
  Hovdamstecken med Josefinas spegelmonogram under kunglig krona av silver och briljanter, 1844-1876, Livrustkammaren.
  (Monograma de Xosefina baixo a coroa real de prata e diamantes, 1844-1876)

Antepasados

Antepasados de Xosefina de Leuchtenberg

4. Alexandre de Beauharnais

2. Eugène de Beauharnais

5. Xosefina de Beauharnais

1. Xosefina de Leuchtenberg

6. Maximiliano I Xosé de Baviera

3. Augusta de Baviera

7. Augusta de Hessen-Darmstadt

Predecesor: Desideria Clary

Raíña Consorte de Suecia e de Noruega 8 de marzo de 1844 – 8 de xullo de 1859

Sucesor: Luísa dos Países Baixos

Véxase tamén

Bibliografía

• Herman Lindqvist (2006): Historien om alla Sveriges drottningar Arquivado 24 de setembro de 2019 en Wayback Machine.. Stockholm: Norstedts Förlag. ISBN 9113015249 / ISBN 9789113015248 (en sueco).

Outros artigos

• Óscar I de Suecia

Ligazóns externas

• Darryl Lundy, Xenealoxía de Xosefina de Leuchtenberg en The Peerage (en inglés)