Xiana Arias
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2014.) |
  | |
| Biografía | |
|---|---|
| Nacemento | 28 de maio de 1983 (40 anos) A Fonsagrada, España |
| Datos persoais | |
| País de nacionalidade | España |
| Formación profesional | Ciencias da Comunicación |
| Actividade | |
| Ocupación | xornalista , escritora , música |
| Membro de | |
| Xénero artístico | Poesía |
| Lingua | Lingua castelá e lingua galega |
| Familia | |
| Pai | Amador Arias |
Premios | |
  | |
Xiana Arias Rego, nada na Fonsagrada o 28 de maio de 1983, é unha poetisa e xornalista galega.
Traxectoria[editar | editar a fonte]
Licenciada en Ciencias da Comunicación pola Universidade de Santiago de Compostela. Traballou como xornalista na Radio Galega no programa Diario Cultural e en Onda Vital ata 2020.
O seu primeiro poemario, Ortigas, foi o gañador do Premio de poesía Pérez Parallé no ano 2006. Colabora na revista Xistral e na publicación Pirata en apoio ao Cineclube de Compostela, onde publicou a serie Cleo de dez a doce. No ano 2009, co gallo da celebración do Día das Letras Galegas, participou no proxecto de acción poética "A Revolta das Letras" en Santiago de Compostela.
Como música, tocou o baixo no grupo Atrás Tigre e desde 2022 ten o proxecto Clo Plas canda a Berio Molina[1]. Como actriz participou no filme A estación violenta.
Obras[editar | editar a fonte]
Poesía[editar | editar a fonte]
- Ortigas (Espiral Maior, 2007).
- Acusación (Galaxia, 2009).
Obras colectivas[editar | editar a fonte]
- Pirata (Brigadas de Intervención Rápida George Grosz, 2007).
- Letras novas (Asociación de Escritores en Lingua Galega, 2008).
- To the winds our sails (Salmon Poetry, 2010). Tradución do galego ao inglés.
- Non conciliados (Cineclube de Compostela, 2011).
- Novas de poesía. 17 poetas (Fundación Uxío Novoneyra, 2013).
- 6 poemas 6. Homenaxe a Federico García Lorca, 2015, Biblos Clube de Lectores. Poesía.
Notas[editar | editar a fonte]
- ↑ "Clo Plas". Bandcamp.
Véxase tamén[editar | editar a fonte]
Ligazóns externas[editar | editar a fonte]
- Páxina da autora na web da Editorial Galaxia
- "Mover os marcos"Arquivado 14 de decembro de 2009 en Wayback Machine., entrevista en Galicia Hoxe (en galego)
- Perfil en As escollas electivas
