Xerardo Álvarez Limeses

Na Galipedia, a Wikipedia en galego.
Infotaula de personaXerardo Álvarez Limeses

Retrato en Vida Gallega, 1929
Biografía
Nacemento10 de decembro de 1871 Editar o valor em Wikidata
Pontevedra, España Editar o valor em Wikidata
Morte19 de febreiro de 1940 Editar o valor em Wikidata (68 anos)
Lugar de sepulturaCemiterio de Santo Amaro de Pontevedra Editar o valor em Wikidata
Datos persoais
País de nacionalidadeEspaña Editar o valor em Wikidata
Formación profesionalDereito
EducaciónUniversidade de Santiago de Compostela Editar o valor em Wikidata
Actividade
Ocupaciónpoeta Editar o valor em Wikidata
Xénero artísticoPoesía
LinguaLingua castelá Editar o valor em Wikidata
Familia
CónxuxeDolores Gallego Martínez
FillosXerardo Álvarez Gallego, Amalia Álvarez Gallego Editar o valor em Wikidata
PaiEmilio Álvarez Giménez Editar o valor em Wikidata
IrmánsDarío Álvarez Limeses e José Álvarez Limeses Editar o valor em Wikidata
Sinatura
Editar o valor em Wikidata

Xerardo Álvarez Limeses, nado en Pontevedra o 10 de decembro de 1871 e finado na mesma cidade o 19 de febreiro de 1940, foi un mestre e escritor galego.

Traxectoria[editar | editar a fonte]

Fillo de Emilio Álvarez Giménez e irmán de Darío Álvarez Limeses, cursou o Bacharelato en Pontevedra e participou canda a Víctor Said Armesto na fundación do ateneo Los Amigos del Progreso, no que comezou a súa faceta de escritor. Fixo a carreira de Dereito na Universidade de Santiago de Compostela e a de Maxisterio en Madrid, dedicándose despois a Inspector de Ensino Primario. Foi secretario das Xuntas de Instrución Pública de Palencia e Ourense, e en 1904 comezou a traballar como inspector de Primeira Ensinanza de Cádiz. Foi Profesor de Dereito e Lexislación Escolar en Lugo. Foi inspector xefe de Primeira Ensinanza de Ourense e en febreiro de 1914 foi nomeado para o mesmo cargo na provincia de Pontevedra,[1] posto do que dimitiu en marzo de 1933.[2] Volveu ser nomeado de inspector xefe de Pontevedra en marzo de 1934,[3] continuando como tal despois do golpe de Estado do 18 de xullo de 1936, sendo cesando no cargo polo seu estado de saúde en xuño de 1938.[4]

Foi académico correspondente da Real Academia Galega, pertenceu á Sección de Historia do Seminario de Estudos Galegos (onde presentou un estudo sobre o padre Sarmiento) e cofundador e vicedirector do Museo Provincial de Pontevedra, do que se fixo cargo tras o falecemento de Casto Sampedro. Foi redactor das revistas El Iris Literario e Extracto de Literatura e despois fundou Galicia Moderna. Dirixiu El Perdigón en Palencia e El Maestro Gallego, Galicia Ilustrada (da que só apareceu o número 0) e Mi Tierra en Ourense. Colaborou con El Diario de Pontevedra, Faro de Vigo e La Correspondencia Gallega.

Obra[editar | editar a fonte]

En castelán[editar | editar a fonte]

Arriba de esq. a der.: Darío Álvarez Limeses, Emilio Álvarez Giménez e Xerardo Álvarez Limeses. Abaixo de e. a d.: María Álvarez Limeses (muller de Celso García de la Riega), Carmen Álvarez Limeses (muller de José Buela), Amalia Limeses Iglesias (muller de Emilio), o neno Xosé Álvarez Limeses e María Gallego Martínez (muller de Xerardo).

En galego[editar | editar a fonte]

Galardóns[editar | editar a fonte]

Membros do SEG en 1928: De esquerda a dereita na fileira de atrás: Ramón Otero Pedrayo, Antón Losada Diéguez, Florentino López Cuevillas, Vicente Risco, Carballo Calero, Xosé Filgueira Valverde, Sebastián García Paz, Luís Pintos Fonseca, Antón Fraguas, Bibiano Fernández Osorio-Tafall. Sentados: Isidro Parga Pondal, Abelardo Moralejo Laso, Xesús Carro García, Salvador Cabeza de León, Joaquín Arias Sanjurjo, Xerardo Álvarez Limeses e Juan Novás Guillán.

Entre 1900 e 1920 participou en certames e Xogos Florais nos que obtivo varios premios:

  • Premio de honra no Certame Pedagóxico de Santiago de Compostela de 1905 por "Canto a la mujer gallega como madre y como maestra"
  • Mención honorífica en Compostela o 23 de xullo de 1912 por "La mujer gallega" (tríptico de sonetos)
  • Dous accésits en Pontevedra o 18 de setembro de 1912 en Poema con liberdade de asunto e metro; premio en romance de menos de cen versos; accésit en soneto en versos alexandrinos
  • Premio en Lugo o 5 de outubro de 1915 por poesía en oitavas reais sobre Viveiro
  • Premio en Tui en 1925 -milenario de San Paio- por "Canto a Galicia" (en galego) e "Oda a Tuy".
  • Premio en Vigo en 1929 por "Canto a la mujer gallega".

Recoñecementos[editar | editar a fonte]

Na súa honra leva o seu nome o CEIP Álvarez Limeses de Pontevedra.[7]

Vida persoal[editar | editar a fonte]

Casou con Dolores Gallego Martínez, e foi o pai de Gerardo, Emilio, Enriqueta e Amalia Álvarez Gallego, que casou con Alexandre Bóveda.

Notas[editar | editar a fonte]

  1. ↑ El Noticiero Gallego, 11-2-1914, p. 2.
  2. ↑ El Compostelano, 10-3-1933, p. 2.
  3. ↑ El Pueblo Gallego, 13-3-1934, p. 3.
  4. ↑ El Compostelano, 6-6-1938, p. 2.
  5. ↑ Despois incluído na Biblioteca de Autores Galegos.
  6. ↑ "Antre dous séculos". Galaxia.gal. 
  7. ↑ http://www.edu.xunta.gal/centros/ceipalvarezlimeses/

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Predecesor:
Casto Sampedro Folgar 		 
Director do Museo de Pontevedra 
1937-1940 (interino) 		Sucesor:
Xosé Filgueira Valverde
Traído desde «https://gl.wikipedia.org/w/index.php?title=Xerardo_Álvarez_Limeses&oldid=6497456»