Vimara Pérez

Vimara Pérez
	;
Biografía
Nacemento	c. 820 (Gregoriano) ; A Coruña
Morte	873 (52/53 anos); Bama
Lugar de sepultura	Mosteiro de Santa Cruz
1º Conde de Portucale
	868 – 873 – Lucidio Vimaraniz →
Datos persoais
País de nacionalidade	Reino de Asturias ; Reino de Portugal ; Reino de Galicia
Actividade
Ocupación	militar , conde
Outro
Título	Conde
Fillos	Lucidio Vimaraniz
Pai	Pedro Theon

Vimara Pérez, Vímara Peres ou Guímara Peres (orixinalmente Uimara Petri), nado na Coruña^[1] contra o 820 e finado en Bama^[2] no 873, foi un nobre galego. Conquistou Porto no ano 868 converténdose no primeiro conde de Portucale.

Traxectoria[editar | editar a fonte]

Con importantes posesións no interior da Galicia actual, dirixiu o gran salto repoboador ata a liña do río Douro, sendo un dos responsábeis da repoboación da liña entre o Miño e o Douro e, auxiliado por cabaleiros da rexión, da acción de presura do burgo de Portucale (Porto), que foi así definitivamente conquistado aos musulmáns no ano de 868.

Atribúeselle a fundación dun pequeno burgo fortificado nas proximidades de Braga, Vimaranis, co nome derivado do seu propio nome e que, co correr do tempo, por evolución fonética, transformouse no moderno Guimarães.

Os reis de Oviedo dirixiran a reorganización do territorio da antiga provincia romana de Gallaecia no Baixo Miño e no Bierzo, pero segundo nos afastamos cara ao sur a influencia da Corte foise esvaecendo e as iniciativas as asume unha nobreza galega ben arraigada e gobernante na Galicia nuclear.

Amparándose nunha teórica autorización do rei Afonso III o Magno, fíxose dono dun espazo onde a estrutura de poder islámico era feble e reorganizou o territorio baixo o seu dominio reconstruíndo a autoridade cristiá sobre a cidade de Porto tras reconquistala.

Dirixiu, para estes efectos, o asentamento de colonos e o repartimento de terras, restaurou as institucións da Igrexa e consolidou unha nova fronteira despexándoa do perigo árabe.

Este labor permitiu o segundo gran salto a cargo doutro gran magnate galego Hermenexildo Gotérrez. Estes nobres seguiron vinculados á Galicia orixinaria da que non se desarraigan. En efecto, fortaleceron o seu poder na terra de Amaía, e amplas zonas lucenses. Os monarcas do Reino de Galicia cada vez serán máis dependentes deles.

Vimara faleceu en Bama en 873. O seu fillo, Lucidio Vimaranis (etimoloxicamente, "fillo de Vimara"), sucedeuno á fronte dos destinos das terras a sur do Miño, comezando a instituírse así unha dinastía condal que gobernaría a rexión até 1071.

Unha maxestosa estatua érguese a carón da catedral do Porto.

Aristocracia galega
Vimara Pérez Casa de Vimara Pérez Nacemento: ca. 820 Falecemento: 873
Precedido por Novo Título	Conde de Portucale 868 – 873	Sucedido por Lucidio Vimaranis